चिनियाँ उपमन्त्री आज नेपाल आउँदै

छाल खवर
काठमाडौं,१२ पुष ः नेपालमा नेपाल कम्युनिष्ट पार्टी (नेकपा)को आन्तरकि विवाद भई विभाजन समेत हुने अवस्था आएकोमा चिन्ता व्यक्त गर्दै चिनियाँ उपमन्त्रीसहितको एक उच्चस्तरीय टोली आज नेपाल आउँदै छ ।

टोलीमा चिनियाँ कम्युनिष्ट पार्टीको अन्तर्राष्ट्रिय विभागका उपमन्त्री गुओ येचौको नेतृत्वको एक उच्चस्तरीय टोली काठमाडौं आउन लागेको हो नेपाल स्थित चिनिया राजदुतावासले जनाएको छ ।सो टोली आजै दिउँसो काठमाडौं आइपुग्ने भएको छ ।

नेपाल कम्युनिष्ट पार्टी (नेकपा) मा विभाजनको अवस्थामा रहेका बेला चिनियाँ टोली उच्चस्तरीय भ्रमण गर्न लागेको हो । उपमन्त्री कुओ नेतृत्वको ४ सदस्यीय टोली नेपालमा ४ दिन रहनेछ ।

चार दिने नेपाल बसाइँका क्रममा टोलीले नेकपाका शीर्ष नेताहरुसँग भेटघाट गर्ने बुझिएको छ ।

नेकपामा विभाजन आएपछि चिनियाँ कम्युनिष्ट पार्टीले चासो र चिन्ता व्यक्त गर्दै विवाद समाधान गर्न पहल गर्दै आएको छ ।

यस अघि नेपालका लागि चिनिया राजदुत यान्छीले पनि निकै चासो देखाई विवाद मिलाउन पहल गरेकीथिइन् ।