यस पटकको पाँच दिने पुष्प मेला घाटामा, सरोकारवालाले सहयोग नगरेको गुनासो

छाल खवर
धरान,१ फागुन ः यस पटकको पाँचौं प्रदेश १ स्तरीय पुष्प प्रर्दशनी मेला घाटा व्यहोदै सम्पन्न भएको छ ।

फ्लोरीकल्चर एसोसिएसन सुनसरीको आयोजनामा भएको पाच दिने पुष्प प्रदर्शनी व्यापार मेला घाटा व्यहोर्दै सम्पन्न भएको हो ।

आयोजकले ७० लाख कारोबार हुने अपेक्षा गरेको भएपनि पाँच दिने मेलामा मात्र १० लाख हाराहारीमा कारोबार भएको कार्यक्रमका संयोजक युमेनहाङ राईले समापनका अवसरमा जानकारी दिए ।

आयोजकका अनुसार मेलामा १० लाख खर्च भएको जानकारी दिइएको थियो ।

मेलाका लागि प्रदेश सरकारबाट २ लाख बजेट प्राप्त हुनेछ भने धरान उपमहानगरले ५० हजार बजेट दिने भएको छ ।

मेलाका लागि धरान नगरपालिकाका वडा कार्यालयहरुलाई पनि बजेट माग गरिएको भएपनि कुन वडाबाट कति आउने भन्ने प्रष्ट हुन सकेको छैन ।

संयोजक राईका अनुसार बजेट अभावकै कारण बोन्साई प्रतिस्पर्धा र अन्य कार्यक्रमहरु स्थगित गरीएको थियो ।
संयोजक राइले धरान उपमहानगरपालिकामा १० लाखको प्रस्ताव पेश गरेको भएपनि नगरप्रमुख हर्क साम्पाङले ५० हजार मात्र तोक लगाई दिएको वताए ।

मेला घाटामा भएपनि प्रचार प्रसार भएको र आफ्नो व्यवासायको प्रदर्शनी गर्न पाएकोमा गर्व लागेको आयोजक फ्लोरीकल्चर एसोसिएसन नेपाल सुनसरीका सचिव राजेश राईले वताए ।

धरानलार्ई ग्रिनसिटी, फुलको सहर बनाउने भन्ने नारा दिएपनि धरानमै आयोजना गर्दा स्थानीय सरकारले वेवास्ता गरेर १० लाख प्रस्ताव गरेको अवस्थामा ५० हजार दिएको व्यवसायी शिव बान्तावा राईले गुनासो गरेकी थिइन ।
मेला माघ २५ गते शुरुवात भई २९ गते समापन भएको थियो ।