खेमबहादुर माझी
धरान,२९ वैशाखः नेपाल पत्रकार महासंघ सुनसरीको अगुवाईमा सुनसरीका पत्रकारहरुले शान्ति सुरक्षाको माग गदै गृहमन्त्रालयमा ज्ञापन पत्र वुझाएकाछन् ।
महासंघले धरानका नगरप्रमुख हर्कराज राई (हर्क साम्पाङ) द्धारा पत्रकारहरु असुरक्षित रहेको भन्दै सुनसरीका प्रमुख जिल्ला अधिकारीमार्फत गृहमन्त्रालयमा ज्ञापन पत्र वुझाएका हुन् ।
महासंघका केन्द्रीय सदस्यहरु, प्रदेश र जिल्ला नेतृत्वको टोलीे जिल्ला प्रशासन कार्यालय इनरुवा पुगेर प्रजिअ हुमकला पाण्डेमार्फत गृहमन्त्री नारायणकाजी श्रेष्ठसमक्ष शान्ति सुरक्षा माग गरेको थियो ।
मेयर साम्पाङ र उनका समर्थकहरुले पत्रकारले प्रश्न सोधेको र समाचार लेखेकै आधारमा पत्रकारविरुद्ध अराजकरुपमा प्रस्तुत भइरहेकोले असुरक्षित महशुस भएको महासंघको भनाई छ ।
महासंघद्धारा वुझाईको माग पत्रमा पत्रकारलाई निशाना बनाएर मेयर साम्पाङले दिएको अभिव्यक्ति पनि संवेदनशील भएको उल्लेख गरीएको छ छ ।
स्थानीय सरकार प्रमुखको दायित्व जनताको जिउधनको सुरक्षा गर्ने भएपनि धरानका पत्रकारहरुले भने असुरक्षा महशुस गरेको प्रजिअमार्फत गृहमन्त्रीलाई पठाएको पत्रमा लेखिएको छ ।
मेयर साम्पाङलाई पत्रकार महासंघ सुनसरीले प्रेस प्रति आफ्नो धारणा सार्वजनिक गर्न माग गर्दै तीन दिने ध्यानाकर्षण पत्र समेत वुझाएका थिए । तर साम्पाङले विना सम्वोधनको पत्र सामाजिक सञ्चालमा पोष्ट गर्दै थप धम्कीपूर्ण शव्द सहितको पोष्ट गरेका थिए ।
ज्ञापन पत्र सहित महासंघले ६ दिने आन्दोलन कार्यक्रम समेत सार्वजनिक गरेको छ ।
ज्ञापन पत्र वुझ्दै सुनसरीकी प्रमुख जिल्ला अधिकारी हुमकला पाण्डेले गृहमन्त्रालयमा तत्काल पठाईदिने वताएकीथिइन ।
Copyright © 2020 / 2024 - Chhalkhabar.com All rights reserved
Website By : Hash Tech Logic
