४ करोड कारोवार नभएको एक्स्पो नामको मेलामा १२ करोडको भ्रम

छाल खवर
धरान,२५फागुनः सुनसरी उद्योग वाणिज्य सङ्घको आयोजनामा धरानमा संचालन भएको धरान एक्स्पो नामको मेला धरानवासीलाई भ्रम छर्दै सम्पन्न भएको छ ।

फागुन ११ गतेबाट सुरु भएको ‘धरान एक्स्पो २०८०’ नामको मेलामा १२ करोडको कारोवार भएको भन्दै भ्रम छर्दै सकिएको हो ।

वास्तविक कारोवार करिव पुग नपुग ४ करोड जतिको मात्र भएपनि आयोजकले समापन समारोहमा १२ करोड कारोवार भएको भनेर भ्रम छर्न समेत भ्याएका थिए ।

धरान रङ्गशालामा १३ दिनसम्म सञ्चालन भएको एक्स्पो नामको मेलामा आयोजकले ५ लाख दर्शकले अवलोकन गरेको र करिब १२ करोड कारोबार भएको दाबी गर्न समेत भ्याएको थियो ।

मेला नचलेर व्यवसायीहरु निरास वनेको मेलामा आयोजकले १२ करोडको कारोवारको प्रचार गरेको सुन्दा उद्योगी व्यवासयी आश्चार्यमा परेकाछन् ।

एक्स्पो मूल आयोजक समितिका संयोजक गोपाल श्रेष्ठले एक्स्पो यस क्षेत्रका लागि एक पहिचान र उत्सव बनेको बताए । उनले एक्स्पोमा सङ्घले राखेको ५ लाख दर्शकको अवलोकन र १० करोड बढीको कारोबारको लक्ष्य पूरा भएको भन्दै खुसी व्यक्त गर्न भ्याए ।

स्टलका एक व्यवसायीले भने १२ करोडको कारोवार हुनको लागि दिनको १ करोडको कारोवार हुनुु पर्दछ । आर्थिक मन्दी भएको वेलामा कसरी त्यतिका कारोवार भयो यो सुन्दै कल्पना गर्न नसकिने कुरा हो । उद्योग वाणिज्य संघ जस्तो संस्थाले यस्तो भ्रमित वनाउने कुरा नगर्दा राम्रो हुने उनको सुुझाव रहेको छ ।

नेपाल सरकारका संस्कृति, पर्यटन तथा नागरिक उड्डयन मन्त्री सुदन किराँतीमार्फत उद्घाटन गरिएको एक्स्पोलाई कोशी प्रदेशका सांसद रमेश बस्नेतको प्रमुख आतिथ्यमा समापन गरिएको हो ।

त्यसैगरी, एक्स्पो समापनका प्रमुख अतिथि तथा कोशी प्रदेशका सांसद रमेश बस्नेतले रैथाने उत्पादनलाई प्राथमिकता दिएर थप व्यवस्थित र विशेष आकर्षक बनाएको उल्लेख गर्दै वाणिज्य सङ्घले यस क्षेत्रको आर्थिक विकासमा खेलेको भूमिकालाई कसैले विर्सन नहुने बताए ।

आथिक कारोवार सुन्य भएको अवस्थामा मेलामा १२ करोड कारोवार भएको भनेर प्रचार गर्न लज्जास्पद र हास्यास्पद भएको मेलामा स्टल राखेका एक व्यवसायीको भनाई रहेको छ ।
सुनसरी उद्योग वाणिज्य संघ व्यानरको मात्र आयोजकको रुपमा रहेको थियो । संचालक भने २५ लाखमा ठेक्का दिइएको थियो । आयोजकले मेलालाई सस्तो र सुलभ वनाउन चाहेपनि ठेकेदारले २ सय रुपैया गेटमा शुल्क लिएको थियो ।

दिनभर निःशुल्क प्रवेश भनेर आयोजकले प्रचार गरेता पनि मेलाको सामान्य चहल पहल हुने समय वेलुका ४ वजेदेखि नै दशै मेला जस्तो महंगो शुल्क गेटमा लिने गरेको थियो ।