धरान खेलकुद मञ्चद्धारा विभिन्न विधामा अवार्ड प्रदान

छाल खवर
धरान,१८ जेठ ःधरान खेलकुद मञ्चले धरान क्षेत्रमा रहेर खेलकुद क्षेत्रमा योगदान पु¥याउने खेलाडीहरुलाई सम्मान तथा अवार्ड प्रदान गरेको छ ।

मञ्चले धरान स्पोर्टस लाईभ एचिभमेन्ट अवार्डबाट २ जना र खेलकुद विधामा योगदान पु¥याएका ४ जनालाई सम्मान गरेको हो ।

धरान स्पोर्टस लाईभ एचिभमेन्ट अवार्डबाट २ जना लिजेण्ड व्यक्तित्वहरु टेबलटेनिस तर्फबाट राजेशमान श्रेष्ठ र एथ्लेटिक्स विधा तर्फबाट गीता थापामगरलार्ई प्रदान गरिएको छ । उनीहरुलाई ११÷११ हजार नगद सहित सम्मान–पत्र र प्रदान गरिएको थियो ।

खेल क्षेत्रका स्टार खेलाडीहरूलाई उनीहरूको खेल प्रतिभा, उपलब्धि र योगदानको आधारमा बेष्ठ कोच किरण लामा,वर्ष खेलाडी सिद्धान्त तामाङ ,महिला वष खेलाडी दिपिका आचार्जु घोषित भए । उनीहरुले २५÷२५ हजार नगद सहित सम्मान गरीएको थियो ।

त्यसैगरी पपुलर राईजिङ प्लेयर सिमोन लिम्बु (आमोस) घोषित भए उनले ११ हजार ५ सय नगद सहित सम्मान–पत्र प्राप्त गरे ।

कार्यक्रमका प्रमुख अतिथी धरान उपमहानगरपालिकाका मेयर हर्कराज राई उपस्थित नभए पश्चात अवार्ड तथा सम्मान कार्यक्रम ,प्याराग्लाईडिङ संघका अध्यक्ष भुपाल चाम्लीङ राई र १,८का वडाअध्यक्ष नरेन्द्र कुमार राई (प्रविन) ले अवार्ड वितरण गरेका थिए । सक्रिय खेल जीवन बिताईरहेकाहरुलाई अवार्ड’ प्रदान गरिएको थियो ।

उक्त अवार्डको लागि कुल १४ जना मध्येबाट ६ जना मनोनयनमा परेका थिए । अवार्डका लागि गठित छनौट समितिका सदस्य सुधीर सिंह लिम्बुका अनुसार पहिलो चरणमा ६ जना फिमेल र ८ जना मेल खेलाडीको नाम मनोनयनमा परेको र दोस्रो चरणको मनोनयनमा परेका ६ जना मध्येबाट २ जनालाई आज शुक्रबार अवार्ड वितरण गरेका हुन ।

बेस्ट प्लेयर अफ द इयर अवार्ड’का लागि छनौट समितिले मापदण्ड निर्धारण गरी सिफारीस गरेको थियो । ‘
मञ्च अध्यक्ष किशोर राईले धरानको खेलकुद इतिहासमा पहिलो पटक खेलाडीलाई सम्मान गर्ने परम्पराको सुरुवात गरेको बताए । उनले सममान तथा अवार्ड कार्यक्रमलाई निरन्तरता प्रदान गरिने बताए ।

मञ्चले खेलकुदको विकासका लागि धरान उपमहानगरपालिका, खेलकुद सम्बद्ध सङ्घ संस्थाहरूलाई समन्वय र सहकार्य गरी खेलाडीलाई व्यावसायिक रूपमा अघि बढाउन र खेल क्षेत्रलाई प्रोत्साहित गर्न अभियान सुरु गरेको बताए ।

उनले उपमहानगरपालिकाले गर्ने कार्यक्रम मञ्चले गर्दा समेत धरान उपमहानगरपालिकाका मेयर हर्क साम्पाङ उपस्थित नहुनुले खेल क्षेत्र र खेलाडीहरुलाई अपमान गरेको बताए ।

मञ्चले खेलक्षेत्रमा योगदान दिएका खेलाडीहरुलाई मात्र नभएर संचार क्षेत्रबाट खेलकुदको विकासमा योगदान दिनेहरुको लागि खेलकुद मिडिया अवार्ड समेत सम्पन्न गरीसकेको छ ।
किशोर राई अध्यक्षमा निर्वाचित भएपश्चात मञ्चले थप गति लिएको छ ।