३० हजार हात्ति विक्रिमा

छाल खवर
काठमाडौं,३१ असासर एजेन्सी ःअफ्रीकी देश जिम्बाबेले न्यजन्तुको संख्या कम गर्नका लागि ३० हजार हात्ति बिक्री गर्ने योजना बनाएको छ ।

अफ्रीकी संघ तथा संयुक्त राष्ट्र पर्यावरण कार्यक्रमको शिखर सम्मेलनमा समेत यस बारेमा चर्चा भएको थियो । पर्यटन मंत्री प्रिस्का मुप्फुमिराका अनुसार जिम्बाबेले करीब ३० हजार हात्ति बेच्न लागेको हो ।

पर्यटन मंत्री प्रिस्काका अनुसार जिम्बाबेले अंगोला तथा अन्य इच्छुक देशलाई हात्ति बेच्ने योजना बनाएको छ । उनका अनुसार जिम्बाबेको कुनै निर्धारित बजार नभएका कारण इच्छुक जो कोहीले खरिद गर्न सक्नेछ ।

पर्यटन मंत्री प्रिस्काका अनुसार हाल जिम्बाबेसँग ८४ हजार हात्ति छन् जसमध्ये ३० हजार बिक्री गर्ने योजना रहेको छ । खासगरी अंगोलाको २७ वर्ष लामोे गृहयुद्ध मा धेरै वन्यजन्तुको विनास भएका कारण जिम्बाबेले अंगोललाई हात्ति बेच्न खोजेको हो ।

बारुदी सुरुगं अहिले पनि वन्यजन्तुका लागि समस्या हुनसक्ने हुँदा जिम्बाबेले यसका लागि फंड समेत उपलब्ध गराउने जनाएको छ । अंगोलाले अहिले देशमा वन्यजन्तु भित्र्याउने योजना बनाएको छ ।

एक रिपोर्टका अनुसार जिम्बाबेले मे मा दुबई तथा चीनलाई २० करोडमा ९७ वटा हात्ति बिक्री गरेको थियो ।
वन्यजन्तु एजेंसीका अनुसार हात्ति बिक्रीबाट आएको रकम प्रकृति संरक्षणमा खर्च गरिने छ ।

एक रिपोर्टका अनुसार दक्षिण अफ्रीकाका चार देश जिम्बाबे, नामीबिया, बोत्सवाना तथा जाम्बियामा संसारको कुल हात्तिको आधा भाग छ । जिम्बाब्वे हात्तिको दांतको ठुलो बजार पनि मानिन्छ । तर, अन्तराष्ट्रिय सम्झौताका कारण हाल जिम्बाबे, नामीबिया, बोत्सवाना तथा जाम्बियामा हात्तिको दांत बिक्री गर्न पाइँदैन् ।

जिम्बाबेका राष्ट्रपति इमर्सन म्नांगगवा तथा नामीबिया, बोत्सवाना तथा जाम्बियाका सरकारले पनि हात्तिको दांतमा लगाइएको व्यापार प्रतिबन्ध हटाउन माग गरेका छन् ।