सञ्चारकर्मी धमलालाई अस्पतालमा कुटपिट गरेको आरोपमा थप २ पक्राउ

  • साउन ८, २०८१
  • १,५२१ पटक पढिएको
  • छाल खबर
alt

छाल खवर
धरान,८ साउनः केही दिन अघि सञ्चारकर्मी सञ्जिता धमलालाई उपचारका लागि वीपी प्रतिष्ठान पुगेको बेला अस्पतालमै कुटपिट गर्ने समूहका थप २ जनालाई प्रहरीले पक्राउ गरेको छ ।

पक्राउ पर्नेमा धरान–५ घर भएकी सङ्गीता राई र धरान ११ का समिर तामाङ रहेकाछन् ।

राईलाई सोमवार साझ पक्राउ गरेको थियो भने तामाङलाई मंगलवार धरानको भानुचोकबाट पक्राउ गरेको जिल्ला प्रहरी कार्यालय सुनसरीले जनाएको छ ।

पक्राउ परेका दुवैजनालाई अनुसन्धानका लागि तत्कालै इनरुवा लगिएको थियो ।

तामाङ र राईलाई प्रहरीले खोजी गरिरहेको र मंगलवार प्रहरीले पक्राउ गरेको सुनसरी जिल्ला प्रहरी कार्यालयका प्रवक्ता डिएसपी नविनकृष्ण भण्डारीले जानकारी दिएकाछन् ।

तामाङ धरान उपमहानगरपालिकाका नगर प्रमुख हर्क साम्पाङका निकट मानिन्छन् । उनलाई साँझ ४ बजे भानुचोक देखि पक्राउ गरिएको हो । पक्राउ गरे लगत्तै तामाङलाई अनुसन्धानका लागि जिल्ला प्रहरी कार्यालय इनरुवा लगिएको छ ।

प्रवक्ता डिएसपी भण्डारीले दिएको जानकारी अनुसार आपराधिक उपद्रव मुद्दामा समीर तामाङ र सङ्गीता राईलाई पक्राउ गरिएको हो । यसअघि धमला कुटपिट प्रकरणमा प्रहरीले ७ जनालाई पक्राउ गरीसकेको छ ।

अभद्र व्यवहार मुद्दामा पक्राउ पर्नेहरू धरान–१५ की ४२ वर्षीया चन्द्रकला थेबे,,धरान–१९ की ३४ वर्षीय मुना राई, धरान–१७ की ५६ वर्षीया प्रमीला राई, धरान–११ की ४५ वर्षीय शर्मिला राई, धरान–१ की ५२ वर्षीया शर्किनी थापा मगर, धरान–१७ की ४० वर्षीय पूर्ण बान्तवा राई र ३५ वर्षीय सिर्जना बेघा भएको प्रवक्ता भण्डारीले बताए ।

 

 

 

धरान कै उत्कष्ट ब्रिज कोर्स र नर्सिङ तयारी केन्द्र

छाल खवर धरान,२० चैतः व्रिज कोर्ष र विएस्सी नर्सिङ प्रवेशको तयारी गराउने शैक ...

हिविस्कस वोडिङ स्कुलले यस वर्षदेखि पुस्तक विहिन कक

छाल खवर धरान,१८ चैतः हिविस्कस इङ्लिस वोडिङ स्कुल धरान–१५ ले यस वर्षदे ...

काठमाडौँमा भएको हिंसात्मक आन्दोलन लोकतन्त्रमाथिको

छाल खवर धरान,१८ चैतःकोशी प्रदेशका मुख्यमन्त्री हिम्मत कुमार कार्कीले काठमाड ...

महिला र बालबालिका सौन्दर्यकर्मी श्रमिकहरुप्रति सर

छाल खवर धरान,८ चैतः नेकपा एमालेका कोशी प्रदेश सदस्य मजदुर नेता भीम राई ज्वा ...

हङकङमा पहिलो पटक नेपाल फेष्ट हङकङ २०२५ हुँदै

छाल खवर धरान,७ चैतः एस अफ स्पेड्स इन्टरटेनमेन्टको आयोजनामा हङकङमा सांस्कृति ...

साना किसान कृषि सहकारिद्धारा कृषकलाई कृषि सामाग्र

छाल खवर धरान,५ चैतः साना किसान कृषि सहकारि संस्था लि.धरानले कृषकहरुलाई कृषि ...

Copyright © 2020 / 2025 - Chhalkhabar.com All rights reserved

Website By : Hash Tech Logic