मेला चलाउदै वार्षिक उत्सव मनाउदै सुनसरी उद्योग वाणिज्य संघ ६ दशक लामो इतिहासलाई मेलामा सीमित गरेको व्यपारीको गुनासो

  • भदौ ११, २०८१
  • १०,६९० पटक पढिएको
  • छाल खबर
alt


छाल खवर
धरान,११भाद्रः सुनसरी उद्योग वाणिज्य संघ धरानले ६१ औं स्थापनाको अवसरमा मेला संचालन गर्ने भएको छ ।

संघले महिला उधमीलाई प्रोत्साहन गर्ने भन्दै मेला संचालन गर्ने भएको हो ।

संघले मंगलवार पत्रकार सम्मेलनको आयोजना गर्दै महिला उद्यमी प्रदर्शनी मेला आयोजना गर्ने जानकारी गराएको थियो ।

आयोजकले दिएको जानकारी अनुसार भदौं १३ गतेदेखी १५ गतेसम्म धरानमा मेला संचालन गर्न लागेको संघका अध्यक्ष विजय श्रेष्ठले जानकारी दिए ।

मेलामा स्थानिय उत्पादनका नामका बिभिन्न ४५ वटा स्टलहरु रहने आयोजकले जनाएको छ ।

मेलामा घरेलु उत्पादनका बस्तुहरु, कृषिजन्य बस्तुहरु, गरगहना, सामाग्रीलागायत बस्तुहरु प्रदर्शनिमा राखिने संघका सचिब महेन्द्र प्रधानले बताए ।

महिला उद्यमीहरुलाई प्रोत्साहन गर्दै स्थानिय उत्पादनलाई प्रबर्द्दन गर्न पहिलो पटक प्रदर्शनि मेला आयोजना गर्न लागिएको संघका अध्यक्ष बिजय श्रेष्ठले बताए ।

मेला अवधिभर करिब १५ लाख बराबरको कारोबार गर्ने आयोजकको लक्ष्य रहेको छ । यस्तै, करिब १० हजारले प्रदर्शनि मेलाको अवलोकन गर्ने आयोजकको अनुमान छ ।

हरेक वर्ष मेला गर्न वानी परेको संघले ६ दशक लामो समय पुरा गरेको इतिहासलाई पनि मेलामा सीमित गरेको भन्दै केही उद्योगी व्यापारीले भने गुनासो व्यक्त गरेकाछन् ।

व्यवसायी युवराज न्यौपानेले यति लामो संघको इतिहासलाई मेलामा लगेर सीमित गर्नाले उद्योग वाणिज्य संघको स्तर मापन भएको वताए ।

उनले ६ दशक लामो इतिहासलाई यति सानो कुरामा अल्मलिनु भनेको नेतृत्वको क्षमतामा पनि प्रश्न उठेको उनको भनाई रहेको छ ।

केही महिना अघि मेला संचालन गरेर हौसिएको संघका पदाधिकारीहरुले यति लामो इतिहासलाई मेलामा परिणत गरेकाछन् ।

व्यवसायीहरुले ६ दशक लामो समयको संघको गरीमालाई थप गौरव वनाउनका लागि अन्य कार्यक्रम समेत थप गर्नुपर्नेमा उनीहरुको जोड रहेको छ ।

मेलामा किन संघको ध्यान गको भन्ने कुरामा व्यवसायीहरुले प्रश्न गर्ने गरेकाछन् ।

 

 

सुनाखरी एकेडेमीका नयाँ विद्यार्थीलाई स्वागत

छाल खवर धरान,१३ भाद्रः सुनाखरी एकेडेमी धरान–१२ मा कक्षा–११ मा भ ...

सिटी कलेजकी स्मिता विविएस चौथो वर्षमा सुनसरी प्

छाल खवर धरान,९ भाद्रः धरान सिटी कलेजकी स्मिता तामाङ्ग सुनसरी जिल्ला कै उत्क ...

सिङ्गिङ च्यालेन्जमा १८ जना फाइनल प्रवेश

छाल खवर धरान,८भाद्रः ¥याडिकल लाइट नेपाल प्रा.लिको आयोजना भएको “धर ...

धरानमा पहिलो पटक तिज क्विन

छाल खवर धरान,५भाद्र ः विवाहित महिलाहरुको वौद्धिकतालाई प्रतिष्पर्धा मार्फत न ...

प्रतिशोध लिन गौर हत्याकाण्ड विउत्याउन खोजेको जस

छाल खवर धरान,५ भाद्रः जनता समाजवादी पार्टी नेपाल धरान नगर समितिले सरकारसँग ...

गणेश इशारा राईको कमेडी शो गाईघाटमा सम्पन्न

छाल खवर धरान, ३ भदौ ः हास्य कलाकार गणेश इसारा राईको “अल नेपाल १७औं एक ...

Copyright © 2020 / 2025 - Chhalkhabar.com All rights reserved

Website By : Hash Tech Logic