विरेन्द्र मेमोरीयल कलेजका विद्यार्थीलाइ वोल्ने कला तालिम

छाल खवर
धरान,२५ भाद्रः धरान स्थित विरेन्द्र मेमोरीयल कलेजले आफ्ना विद्यार्थीहरुलाई दुइदिने प्रभावकारी भषणकला तालिम दिएको छ ।

कलेजले आफ्नै भवनमा भाद्र २३ र २४ गते दुइदिन प्रभावकारी भाषणकला तालिम दिएको हो ।

कलेजले सिएसआइटी दोस्रो सेमेष्टरका विद्यार्थीहरुलाई तालिम दिएको कलेजका प्रिन्सिपल तारा बहादुर निरौलाले जानकारी दिनुभयो ।

विद्यार्थीहरुमा कुनैपनि सार्वजनिक कार्यक्रमहरुमा पूर्ण आत्म विश्वासका साथ वोल्न सकुन र उनीहरुलाई वोल्नको लागि कस्तो आधारभूत कुराको तयारी गर्नको लागि सजिलो होस भन्ने उदेश्यले तालिम दिएको प्रिन्सिपल निरौलाको भनाई रहेको छ ।

विद्यार्थीहरुलाई प्रशिक्षक मोहन श्रेष्ठले प्रशिक्षण दिनुभएको थियो ।

तालिमबाट विद्यार्थीहरुलाई आगामी दिनहरुमा आफूले जानेका कुराहरु प्रस्तुत गर्न सहज हुने विश्वास प्रशिक्षक श्रेष्ठको रहेको छ ।

सहभागीहरुलाई कलेजका प्रिन्सिपल निरौलाले प्रमाण–पत्र प्रदान गर्नु भएको थियो ।