वडा सफा राख्ने अभियानमा माओवादी केन्द्र धरान–१९ ६२ औ हप्ताको सरसफाइ अभियान सम्पन्न

छाल खवर
धरान,१३ कार्तिकः नेकपा (माओवादी केन्द्र) धरान उप–महानगरपालिका १९ नम्बर वडा कमिटीद्धारा जारी सरसफाई अभियानले ६२ औ हप्ताको सफलता पार गरेको ।

पार्टीले संचालन गरेको सरसफाई अभियानले मङ्गलबार सम्पन्न भएको भएको सरसफाई कार्यक्रमबाट ६२ औं हप्ता पार गरेको हो ।

पार्टीले गत भदौबाट पार्टीको जनता सङ्ग माओवादी बिशेष रुपान्तरण अभियानू कार्यक्रम अन्तर्गत ३ महिने अभियान सुरु भएता पनि १९ नम्बर वडा कमिटीले हालसम्म अभियानलाई जारी राखेको १ नम्बर प्रदेस कमिटी सदस्य सन्तोष लिम्बुले बताए।

१९ नम्बर वडा कमिटीले सुरुवात देखि नै वडाका बिभिन्न स्थानमा प्रत्येक शनिबार निरन्तर रुपमा सरसफाइ गर्ने काम गर्दै आएको छ।

आगामि शनिबार भने तिहार परेको हुनाले मङ्गलबार नै सरसफाइ अभियान गरिएको १९ नम्बर वडा कमिटीका अध्यक्ष सन्त तेम्बेको भनाई रहेको छ ।

पार्टीका नेता तथा कार्यकर्ताहरुले हात हातमा झाडु, गैति, हसिया लिएर धनकुटे रोड अन्तर्गत किरात चोकदेखि यलुङ चोकसम्म बाटोको छेउचाउ र नाली सरसफाई गरेका थिए ।

अभियानलाई सुरुवात देखि नै वडाबासिहरुले खाजा, पानी, सरसफाईको लागि गैति दिएर सहयोग गरेको अध्यक्ष तेम्बेको भनाई रहेको छ ।

वडावासीले माओवादीले संचालन गरेको अभियानलाई ९८ प्रतिशत वडाबासिहरुले सकारात्मक रहेको र सहयोग पनि गर्दै आएको वताए ।

अभियानको ६२ औ हप्तासम्म आईपुग्दा वडा भित्र धेरै कामहरु गर्न सफल भएको प्रदेस कमिटी सदस्य लिम्बुले बताए ।

वडा भित्रका विभिन्न सामाजिक कार्यहरु पनि गर्दै आएको अध्यक्ष सन्त तेम्वेको दावी रहेको छ । अन्य वडा भन्दा १९ नं वडा कमिटी सकृय रुपमा काम गर्दै आएको छ ।