धरानमा भएको राष्ट्रिय व्याडमिन्टन प्रतियोगिता नाफामा

छाल खवर
धरान,९ माघः धरानमा केही महिना अघि सम्पन्न भएको राष्ट्रिय व्याडमिन्टन प्रतियोगिता नाफामा रहेको आयोजकले जनाएको छ ।

आयोजक धरान व्याडमिन्टन क्लवले वुधवार धरानमा पत्रकार सम्मेलनगरी सो विषयमा जानकारी गराएको हो ।

आयोजकले दिएको जानकारी अनुसार प्रतियोगिताबाट आयोजकलाई १ लाख भन्दा वढी नाफा भएको छ ।

प्रतियोगितामा विभिन्न शीर्षकबाट २२लाख ९५ हजार ७ सय ८२ रुपैयामा आम्दानी भएको छ भने २१ लाख १९ हजार ५०५ रुपैया खर्च भएको कोषाध्यक्ष कविता राईले आयव्याय प्रस्तुत गरेकी थिइन ।

कोषाध्यक्ष राईले प्रतियोगितामा १ लाख ७६ हजार २ सय ७८ रुपैया मौज्याद रहेको जानकारी दिइन् ।

कार्यक्रममा वोल्दै क्लवका उपाध्यक्ष तेज मेन्याङ्वोले प्रतियोगितालाई निरन्तरता दिदै जाने वताए ।

धरान खेलकुदको शहर उपनामले चिनिने गरेकोले पनि यहा आयोजना हुने खेलकुद प्रतियोगिताहरुले सफलता पाउने क्लवका अध्यक्ष टंक लिम्वुले वताए ।

आगामी दिनमा पनि प्रतियोगितालाई निरन्तरता दिदै थप व्यवस्थित गर्दै लगिने लिम्वुको भनाई रहेको छ ।
कार्यक्रमको संचालन सहसचिव अर्जुन मेन्याङ्वोले संचालन गरेका दिए ।