छाल खवर
धरान,१९ वैशाख ः यही वैसाख ३० गते हुने स्थानीय निर्वाचनमा गठबन्धनबाट उठेका सशक्त उमेद्वारलाई भोट हाल्न यसपटक सर्वसाधारण उत्साहित बनेका छन् ।
धरान ८ मा घरदैलोमा लोकतान्त्रिक वाम गठबन्धनका उमेद्वारहरु पुग्दा त्यहाका सर्वसाधारण उत्साहित देखिन्छन् । ०७६ सालको उपनिर्वाचनमा नेकपा एमाले घरदैलोमा पुग्दा नेतृत्वमाथि नै खनिएका सर्वसाधारण यसपटकको निर्वाचनका धरान ८ मा घरदैलोमा पुग्दा उनीहरु उत्साहित देखिन्छ ।
गठबन्धनका तर्फबाट नेपाली काँग्रेसकातर्फबाट मेयरका उमेद्वार किशोर राई र नेकपा माओवादी केन्द्रकातर्फ उपमेयरका उमेद्वार बनेका आइन्द्रविक्रम बेघा पुग्दा धरान ८का सर्वसाधारण उत्साहित बने । उनीहरुले यसपटक गठबन्धनलाई जिताएर धरानको विकास हेर्न चाहेको बताए ।
सर्वसाधारणको उत्साहलाई उम्द्वारहरुले कायमै राख्ने प्रतिबद्धता जनाएका थिए ।
आफू निर्वाचत भएर गएपछि धरानको खानेपानी समस्या, धरानलाई शैक्षिक, पर्यटकको हब बनाउनेदेखि लिएर धरानको खेलकुदको विकासमा प्रतिबद्ध हुने गठबन्धनका मेयर तथा उपमेयरका उमेद्वारले धरान ८का सर्वसाधारणलाई प्रतिवद्धता व्यक्त गरेका थिए ।
