काँग्रेस नेता मीन विश्वकर्माको अवस्था गम्भीर

छाल खवर
धरान,१४ कार्तिक ः नेपाली काँग्रेसका प्रभावशाली नेता मीन विश्वकर्माको स्वास्थ्य अवस्था गम्भीर रहेको छ ।

कोरोना भाइरसको संक्रमणबाट ग्रसित विश्वकर्माको ग्रान्डी अस्पतालको आइसियुमा उपचार भइरहेको उनका आफन्तले जानकारी दिएका छन् ।

विश्वकर्मालाई कात्तिक १ मा कोरोना भाइरसको पुष्टि भएको थियो । चार दिन घरमै होमआइसुलेसनमा रहेका विश्वकर्माको श्वासप्रश्वासमा समस्या बढेपछि वीर अस्पताल लगिएको थियो ।

उनको अवस्था झन् बिग्रिएर भ्यान्टिलेटरसम्मको आवश्यकता पर्न सक्ने भएपछि ग्रान्डी अस्पताल लगिएको पारीवारीक स्रोतले जनाएको छ ।उनलाई चार दिनयता आइसियूमा राखिएको र अवस्था गम्भीर रहेको बुझिएको छ ।

पूर्व बाणिज्य मन्त्री समेत रहेका विश्वकर्माका आफन्त विवश पौडेलका अनुसार घरमा आइशोलेशनमा रहँदा नै स्वासप्रश्वासको समस्या बढेको थियो ।

कोरोना संक्रमण पुष्टि भएको दुई हप्ता हुँदा सम्म अवस्थामा सुधार नभएपछि आफूहरु चिन्तित भएको पौडेलले बताए ।