धरान नृत्यकला प्रतिष्ठानको नयाँ कार्यसमिति चयन

छाल खवर
धरान,२२ वैशाखः धरान नृत्यकला प्रतिष्ठानको अधिवेशनले नन्दा राईको अध्यक्षतामा नयाँ कार्यसमिति सर्वसम्मत रूपमा चयन गरिएको छ।

नृत्यकर्मीहरूको हक, हित तथा कला प्रवर्द्धनका लागि क्रियाशील संस्था संस्था नृत्यकला प्रतिष्ठानको मंगलवार भएको अधिवेशनले नया कार्यसमिति चयन गरेको हो ।

नवगठित कार्यसमितिको उपाध्यक्षमा देवराज खड्का,पनिता तामाङ,सचिवमा सन्तोष तामाङ तथा सह–सचिवमा प्रविन भुजेल र सागर राई चयन भएका छन्।

त्यसैगरी समितिको कोषाध्यक्षमा सुरेश राई चयन भएका छन् भने सदस्यहरूमा सन्देश तिमल्सिना, पवन तामाङ, एलिसा ल्वागुन, आइश्वर लिम्बू, रुविन परियार, रेशु धमला, इचिङ्सा लिम्बू, सविता शेर्पा, हर्क तामाङ तथा तृष्णा राई चयन भएका छन्।

कार्यक्रममा वक्ताहरूले धरानमा नृत्यकर्मीहरूको हक अधिकार, अवसर तथा नृत्य प्रस्तुति र अभ्यासका लागि आवश्यक भौतिक पूर्वाधारको अभाव रहेको औंल्याउँदै सम्बन्धित निकायको ध्यानाकर्षण गराएका थिए।