धरानमा मयुर बहुउद्देश्यीय सहकारी सञ्चालनमा

छाल खवर
धरान,१० जेठ ः सहकारीको वजारमा धरानमा नया सहकारी थप भएको छ ।धरानमा सोमवारबाट नया सहकारीको रुपमा मयुर बहुउद्देश्यीय सहकारी संस्था लिमिटेडले आफ्नो सेवा सुचारु गरेको हो ।

धरान–८ मा कार्यालय रहेको सो सहकारी संस्थाकोे नेपाल सहकारीका अधिकृत हरि बासिष्ठले औपचारीक रुपमा रिविन काटेर उद्घाटन गरेका थिए ।

संस्थाका अध्यक्ष विसाल राईले दिएको जानकारी अनुसार संस्थाको शेयर पूजी २ करोड रहनेछ । बचतकर्ताहरूले रेमिट्यान्स, मनि ट्रान्सफर, आइएमी सेवा प्राप्त गर्नेछन् ।

बचतकर्ताहरूलाई भविष्यमा आउने आर्थिक जटिल समस्याहरूलाई आफै वा समूहमार्फत समाधान गर्न सक्षम र आत्मा निर्भर बनाउन कृषक, युवा, महिला उध्यमी र सम्पूर्ण सदस्यहरूको दुख सुखमा हातेमालो गर्दै अगाडि बढ्ने मुख्य लक्ष्य रहेको संस्थाका अध्यक्ष राईको भनाईरहेको छ ।