लायन्स क्लव पन्चकन्याद्धारा अमाह सिमसार क्षेत्रमा वृक्षरोपण

छाल खवर
धरान,२६ असार ः यतिवेला वृक्षारोपणको मौसमले छाएको छ । यतिवेला अधिकांश वन क्षेत्र लगायतका स्थानहरुमा वृक्षारोपण गर्नेक्रम जारी रहेको छ ।

विभिन्न संघ संस्थाहरुले वृक्षरोपणलाई आफ्नो प्रमुख कार्यक्रम वनाउदै आएकाछन् सोही क्रममा लायन्स क्लव अफ पञ्चकन्याले वराहक्षेत्र नगरपालिकामा स्थित अमाह सिमसारमा विभिन्न प्रजातिका एक हजार वटा फलफुल र रुखको विरुवाहरु रोपेको छ ।

अमाह सिमसार धरान देखि करिव आठ किलोमिटर वराहक्षेत्र नगरपालिका ४ र ५ नम्बर वडामा पर्दछ ।

पछिल्लो केही वर्ष यता अमाह सिमसार आन्तरिक पर्यटकहरुमाझ चर्चित वन्दै गइरहेको छ । वन उपभोक्ता समितिले आन्तरिक पर्यटकलाई लक्षित गरेर सिमसार घुम्न आउनेहरुलाई मनोरञ्जनका लागि वोटिङ्ग, पिकनिक स्थल लगायतको निर्माण गरेको छ ।

पशुपक्षीको आहार हुने बोटविरुवा नभएको भन्ने थाह पाएपछि लायन्स पञ्चकन्या र अमाह वन उपभोक्ता समुहसंग सहकार्य गरि फलफुलको विरुवासहित वृक्षरोपण गरिएको धरान सरोकार समाजका अध्यक्ष प्रभु श्रेष्ठको भनाई रहेको छ ।

नेपालमा वढ्दो जलवायु परिवर्तनको असरलाई पनि न्युनिकरण गर्नमा सहयोग पु¥याउने उदेश्यले वृक्षरोपण आयोजना गरीएको लायन्स पञ्चकन्याकी अध्यक्ष एकता श्रेष्ठले वताएकीछिन् ।

कार्यक्रमका प्रमुख अतिथी डिष्ट्रीक गभर्नर पिएमजीफ ३२५ धिरज गुरुङ्गले बिरुवा रोपेर सुरु गरेका थिए ।
लायन्स क्लव अफ पञ्चकन्याकी अध्यक्ष एकता श्रेष्ठका अनुसार अम्वक, अमला, तितिरी, शिरिस, सजिवनी, किम्वु, वेल, अशोक, अर्जुन, रक्तचन्दन, पिपल, तेजपत्ता लगायत ३३ प्रजातिको विरुवा रोपिएको थियो ।

लायन्स क्लवको सिद्धान्त अनुसार शिक्षा, स्वास्थ्य र वातावरण संग सम्वन्धित सामाजिक कार्यहरु गर्ने योजना रहेको अध्यक्ष श्रेष्ठको भनाई रहेको छ । क्लवले चाडै नै पैसाको अभावमा पढ्न नपाएकाहरुलाई लक्षित गर्दै वान रुपिस फर एजुकेशन अभियान सुरु गर्ने पनि उनको भनाई थियो ।

कार्यक्रममा नेपाल पत्रकार महासंघ सुनसरी अध्यक्ष जनकऋषि राई , बराहक्षेत्र ५ नम्बर वडाध्यक्ष रोहित काफ्ले, अमाह बन उपभोक्ता समूह अध्यक्ष भोजराज घले, धरान सरोकार समाज अध्यक्ष प्रभु श्रेष्ठ, एमजेएफ लायन्स रेखा गुरुङ्ग, युवा समाजसेवी सम्राट श्रेष्ठ लगायतको उपस्थिती रहेको थियो ।

यस अघि क्लवले धरान १५ मा रहेको वमधारा खानेपानी मुहान संरक्षणका लागि ७ सय वटा फलफुलका विरुवा रोपेको थियो ।

अमाह बन उपभोक्ता समुह र धरान सरोकार समाजको सहकार्यमा शनिवार वृक्षरोपण कार्यक्रम भएको हो ।