उपचुनाव घोषणासँगै मतदाता नामावली संकलन स्थगित

छाल खवर
धरान,१३ फागुन ःनिर्वाचन आयोगले रिक्त रहेको दुइ निर्वाचन क्षेत्रमा निर्वाचनको मिति घोषणा गरेको छ ।आयोगको आइतवार वसेको वैठकले दुइ निर्वाचन क्षेत्रमा चुनावको मिति घोषणा गरेको हो ।

आयोगका अनुसार प्रतिनिधि सभाको इलाम क्षेत्र–२ र बझाङ प्रदेशसभा–१ को उपनिर्वाचन आगामी वैशाख १५ गते गर्ने घोषणा गरेको हो ।

मिति घोषणासँगै निर्वाचन आयोगले मतदाता नामावली संकलन कार्य समेत स्थगित गरेको छ ।

आयोगको मतदाता नियमावली ऐन, २०७३को दफा ४को उपदफा (२) (२) बमोजिम निर्वाचनको मिति घोषणा भइसकेपछि सो निर्वाचन प्रयोजनको लागि मतदाता नामावलीमा नाम दर्ता नहुने व्‍यवस्था रहेको छ ।

इलाम क्षेत्र(२ बाट निर्वाचित तत्कालीन प्रतिनिधिसभा सदस्य नेकपा एमालेका नेता सुवासचन्द्र नेम्वाङको २६ भदौमा निधन भएको थियो ।

यस्तै बझाङको प्रदेशसभा निर्वाचन क्षेत्र नं १ मा पनि १५ वैशाखमै उपचुनाव हुनेछ । यस क्षेत्रबाट निर्वाचित प्रदेशसभा सदस्य नेपाली कांग्रेसका पृथ्वीबहादुर सिंहको २५ असार २०८० मा गाडी दुर्घटनामा निधन भएको थियो ।