धरानका आगलागी पीडितलाई आर्थिक सहयोग

धरान, २६ जेठ

धरान,२६ जेष्ठः धरान १५का दुई आगलागी पीडित परिवारलाई आर्थिक सहयोग प्रदान गरीएको छ ।
गत विहीबार धरान १५ का नरबहादुर श्रेष्ठको घरमा आगलागी हुदा घर भाडामा बस्ने मजदुरी गर्ने परिवार र विद्यार्थीलाई स्थानीयहरुले रकम जुटाएर आर्थिक सहयोग गरेका हुन ।
मजदुरी गरेर परिवार पाल्दै आएका ३० बर्षीय सुरेश लिम्बुको परिवार र पूर्वाञ्चल इन्जिनियर क्याम्पसमा अध्ययनरत विद्यार्थी मधुमला चौधरीलाई १ सय ७८ जनाबाट उठेको रकम ५० हजार ५ सय सहयोग गरेका हुन् ।
लिम्बुकी श्रीमति सीता लिम्बुले गास बास नै उठेको बेला स्थानीयहरुको सक्रियताले सहयोग गरेकोमा सबैलाई धन्यवाद दिएकी थिइन ।
लिम्बुका परिवारलाई करिब १५ हजार बरारको ओढ्ने ओछ्याउने, किचनमा प्रयोग हुने सामाग्री प्रदान गरेका छन् भने १४ हजार नगद प्रदान गरे । यस्तै विद्यार्थी मधुमला चौधरीलाई नगद ११ हजार् प्रदान गरीएको स्थानीय रमा तामाङले बताइन ।
आगलागी भएपछि ती परिवारलाई साम्पाङ चौक टोल विकास समिति धरान १५ का अध्यक्ष विजय राईको घरमा उपाध्यक्ष तारा शाक्यको पहलमा राखिएको छ ।
आगलागी हुदा ९७ बर्षीया आमा धनकुमारी श्रेष्ठ र उनकी छोरी ५२ वर्षीय सीता श्रेष्ठको मृत्यु भएको थियो ।