सिद्धार्थ शिशु सदनमा अत्याधुनिक शैक्षिक पूर्वाधार प्रविधिमैत्री शिक्षामा जोड

छाल खवर
धरान,१३ फागुनःः सिद्धार्थ शिशु सदन धरान–१६ ले शैक्षिक गुणस्तरलाई थप मजबुत र आधुनिक बनाउन भौतिक पूर्वाधारहरू तिव्र विस्तार गरेको छ।

विद्यालयले २१औँ शताब्दीको डिजिटल युग सुहाउँदो व्यावहारिक शिक्षा प्रदान गर्ने उद्देश्यले नयाँ कम्प्युटर ल्याब, विज्ञान प्रयोगशाला र सेमिनार हल सञ्चालनमा ल्याएको हो ।

विद्यार्थीहरूको प्रयोगात्मक सिकाइलाई प्राथमिकता दिँदै विद्यालयले हालै ५० भन्दा बढी कम्प्युटर रहेका दुईवटा अत्याधुनिक कम्प्युटर ल्याब र आधुनिक उपकरणसहितको विज्ञान प्रयोगशाला सञ्चालनमा ल्याएको छ। साथै, विभिन्न शैक्षिक कार्यशाला र प्रस्तुतीकरणका लागि १०० जना क्षमताको सुविधायुक्त सेमिनार हल पनि निर्माण गरिएको छ।

यसैबीच, विद्यालयले भर्खरै कक्षा ७, ८ र ९ का विद्यार्थीहरूका लागि ७ दिने वेब डेभलपमेन्ट कक्षा सफलतापूर्वक सम्पन्न गरेको छ। उक्त तालिममा विद्यार्थीहरूले वेबसाइट निर्माणका आधारभूत सीपहरू सिकेका थिए।

विद्यालयका निर्देशक विकास सोनीले विद्यार्थीको सर्वाङ्गीण विकासका लागि पूर्वाधारहरु महत्त्वपूर्ण हुने बताएकाछन् ।

निर्देशक विकास सोनीले स्कुलको मुख्य उद्देश्य विद्यार्थीहरूलाई किताबी ज्ञानसँगै प्रयोगात्मक रूपमा पनि दक्ष बनाउनु भएको उल्लेख गरेकाछन् ।

५० भन्दा बढी कम्प्युटर सहितका नयाँ ल्याबहरू स्थापना भएसँगै अब आगामी नयाँ शैक्षिक सत्रदेखि हामी विद्यार्थीहरूका लागि यस्तै थप प्राविधिक तालिम र प्रशिक्षणहरू सञ्चालन गर्नेछौँ।

१ सय सिटको सेमिनार हलले विद्यार्थीहरूको व्यक्तित्व विकास र नेतृत्व क्षमता निखार्न विभिन्न कार्यक्रमहरू आयोजना गर्न एउटा उत्कृष्ट मञ्च प्रदान गर्नेछ ।

निर्देशक विकास सोनीका अनुसार, यी नयाँ सुविधाहरूले विद्यार्थीहरूलाई भविष्यका चुनौतीहरू सामना गर्न र डिजिटल संसारमा प्रतिस्पर्धी बन्न सक्षम बनाउनेछन्। विद्यालयको यस कदमले धरान क्षेत्रकै शैक्षिक वातावरणमा नयाँ उत्साह थपेको विश्वास गरिएको छ।

पुरानो स्कुल भएपनि प्रचार प्रसारको अभावमा यो स्कुल त्यति चर्चाका रहेको छैन । भौतिक पूर्वाधार सम्पन्न त्यस विद्यालयले शैक्षिक गुणस्तरमा छुट्टै पहिचान वनाउन सफल रहेको छ ।