जनप्रतिनिधि र प्रहरीले रोक्यो बालविवाह कानुनले निषेध समाजमा प्रचलित

धरान/ सोलुखुम्वुको थुलुङ दूधकोशी गाउँपालिका–९ लोखिममा भएको बालविवाह रोकिएको छ ।
आइतबार दुलहीको घरमा दुलहासहित जन्ती आएको सूचनाका आधारमा जनप्रतिनिधि र प्रहरीको टोली पुगेर सो बालविवाह रोकेको वडाध्यक्ष भूपालसिं राईले वताएकाछन् ।

प्रहरी र जनप्रतिनिधि पुग्दा लोखिमका एक १९ वर्षीय युवक र १६ वर्षीया युवतीबीच दुवैको मञ्जुरीमा नै विवाह भइरहेको थियो । जिल्ला प्रहरी कार्यालय सोलुखुम्बुका सुचना अधिकारी प्रहरी निरीक्षक महेन्द्र दर्नालका अनुसार दुवै पक्षलाई सम्झाइबुझाई विवाह रद्द गरीएको हो ।

मुलुकी अपराध संहिता, २०७४ को दफा १७३ को उपदफा २ मा २० वर्ष नपुगी मञ्जुरीमा नै गरिएको विवाहलाई कानून विपरीत मानिएको छ । उमेर नपुगी भएको विवाह स्वतः रद्द हुनेसमेत उल्लेख गरिएको छ । साथै उपदफा २ मा विवाह गर्ने गराउने व्यक्तिलाई समेत तीन वर्षसम्म कैद र ३० हजारसम्म जरिवाना हुनसक्ने व्यवस्था रहेको छ ।