धरानबाट लागूऔषध सहित तीन पक्राउ

छाल खवर
धरान, १० असरा ः धरानमा लागु औषधको कारोवारोमा संलग्न भएको आरोपमा प्रहरीले तीनजनालाई पक्राउ गरेको छ ।
प्रहरीले दिएको जानकारी अनुसार सुनसरीको धरान–२० बिष्णुपादुकाबाट लागूऔषध तथा जंगली जनावरको अंग सहित तीन जनालाई पक्राउ गरिएको छ ।
पक्राउ पर्नेमा शहीदभूमि गाँउपालिका–१ घर भई धरान–११ बस्ने २९ वर्षीय नन्दीमान राई, सोही ठाउँका १९ वर्षीय दिनेश भन्ने सविन राई र उदयपुरको कटारी नगरपालिका–२ ताप्ली घर भइ धरान–११ बस्ने २० वर्षीय सागर राई रहेको प्रहरीले जनाएको छ ।
ईलाका प्रहरी कार्यालय धरानबाट खटिएको प्रहरी टोलीले मंगलबार साँझ ६ बजे बिष्णुपादुकाबाट धरानतर्फ आउदै गरेको को २ ह ५४४७ नम्बरको ट्याम्पोबाट जंगली जनावरको सिङ र प्वाँख भेटिएको थियो ।
टेम्पुको सिटमुनी लुकाई राखिएको अवस्थामा २सय ४५ ग्राम अवैध लागूऔषध गाँजा, जंगली पंक्षी कालिजको कालो रंगको प्वाख जस्तो देखिने १८ थान, जंगली जनावर घोरल मृगको सिंङ जस्तो देखिने स–साना सिंङ ४ थान र कस्तुरी मृगको सिंङ जस्तो देखिने छालासहितको सिंङ २ थान बरामद गरेको हो ।
पक्राउ परेका तीनै जनाको सम्बन्धमा थप अनुसन्धान भइरहेको तथा जंगली जनवारको सिंङ र पंक्षीको प्वाख आवश्यक कारवाहीको लागि सेक्टर वन कार्यालय पाँचकन्या धरान पठाइएको जिल्ला प्रहरी कार्यालय सुनसरीले जनाएको छ
पछिल्लो समय लागू औषध र गाजा ओसार पसारमा टेम्पोको प्रयोग हुदै आएको छ ।