विप्लवका ईञ्चार्ज पेस्तोल र गोलीसहित पक्राउ

छाल खवर
धरान,११ असार ःप्रतिवन्दित पार्टी नेपाल कम्युनिष्ट पार्टी नेत्र विक्रम चन्द)का कार्यकर्ताहरु एकपछि अर्को गरेर पक्राउ पर्न थालेकाछन् ।
बुधवार राति ११ बजे इलाका प्रहरी कार्यालय धरानले नेकपा विप्लव समुहको सुनसरी जिल्लाका ईञ्चार्ज रोशन राईलाई पेस्तोल र गोलीसहित पक्राउ गरेको छ ।
इन्चार्ज राईलाई विशेष सुचनाको आधारमा पक्राउ गरीएको प्रहरीले जनाएको छ । धनकुटा शहिदभुमी गाउँपालिका–६ का राई बुधबार दिउँसो नै धरान –१५ आएर रामहंस मार्गमा बसेका थिए ।
एक नम्बर प्रदेश क्षेत्रीय अनुसन्धान समुह र इलाका प्रहरी कार्यालय धरानको टोलीले राति ११ बजे टिभी हेरेर बसेका राईलाई पक्राउ गरेको थियो ।
प्रदेश ३ ( ००१ प ६६७ को २०० सी सीको मोटरसाईकल चेकजाच गर्दा पछाडी सिट मुनी मोटरसाइकलको सिट मुनी प्लाष्टिक भित्र लुकाएको अवस्थामा हतियार र गोलीसमेत वरामद भएको धरानका डिएसपी ज्ञानेन्द्र बस्नेतले जानकारी दिएकाछन् ।
उनको साथबाट मेडि इन युएसए अटोमेटिक पेस्तोल एक थान म्याग्जीनमा लोड भएको ३ राउण्ड गोली र, २ थान मोवाइल र ६ थान सिम पनि वरामद भएको प्रहरीले जनाएको छ ।
राईलाई हातहतियार खरखजना मुद्दामा ६ दिनको म्याद थप गरी अनुसन्धान जारी रहेको डिएसपी बस्नेतले जानकारी दिए ।
केही दिन अघि पनि उदयपुर र भोजपुरबाट पनि हतियार सहित विप्लबका कार्यकर्ता परेका थिए