आगलागीमा बालिकाको मृत्यु

छाल खवर
धरान,१५,असार ः वर्षादको समयमा पनि आगलागीका घटना बढन थालेको छ ।भोजपुरको अरुण गाउँपार्लिाका–३ प्याउलीमा आगलागीबाट बालिकाको ज्यान गएको छ ।
भोजपुर प्रहरीले दिएको जानकारी ज्यान गुमाउनेमा स्थानीय कर्णबहादुर कार्कीकी तीन वर्षीया नातिनी विष्णुमाया कार्की रहेकीछिन् ।
उनको घरमा भएको आगलागी परि विष्णुमाया घाइते भएकीथिइन ।
आइतबार भएको आगलागीमा परी गम्भीर घाइते भएकी बालिकालाई प्राथमिक स्वास्थ्यचौकी प्याउलीमा उपचारपछि थप उपचारका लागि बिपी कोइराला स्वास्थ्य विज्ञान प्रतिष्ठान धरान पठाइएको थियो ।
बाटोमा लैजाँदै गर्दा बालिकाको स्वास्थ्य अवस्था झन गम्भीर भएपछि तत्काल जिल्ला अस्पताल धनकुटामा उपचारका लागि लगिएकोमा राति मृत्यु भएको प्रहरीको भनाइ छ ।
विद्युत् चुहावट भई कार्कीको घरमा आगलागी हुँदा घरभित्र रहेका खाद्यान्न, नगद तथा लत्ताकपडालगायत सम्पूर्ण सामान जलेर करिब रु १७ लाख बराबरको क्षति भएको प्रहरीले जनाएको छ।
आगलागी प्रहरी र स्थानीयवासीको सहयोगमा नियन्त्रणमा आएको थियो ।