युएन नवोदय कलेज प्रदेश १ कै उत्कृष्ट ल्याउन सफल

छाल खवर
धरान, ३० माघ ः युएन नवोदय कलेजले कलेज धरानले बिएचएममा प्रदेश १ प्रथम बन्न सफल विद्यार्थीलाई सम्मान कार्यक्रम आयोजना गरेको छ ।

कलेजले शुक्रवार एक कार्यक्रमको आयोजना गरी विद्याथीहरुलाई पुरस्कृत र सम्मान गरेको हो ।

बिएचएम प्रथम सेमेष्टरकी छात्रा रितु राई, दोस्रो सेमेष्टरकी छात्रा स्टेला मेन्याङ्बो र दोस्रो सेमेष्टरकी छात्रा दिला नेम्वाङ लाई सम्मान गरीएको थियो ।

उनीहरु प्रदेश १ कै उत्कृष्ठ रहेको विद्यालयको दावी रहेको छ ।

कलेजले दिएको जानकारी अनुसार रितु र स्टेलाले प्रदेश प्रथम र दिलाले प्रदेश तृतीयको नतिजा हात पार्न सफल वनेकी छिन् । रितुले २०१९ मा ३.६९ जिपिए, स्टेलाले २०२० मा ३.६९ जिपिए र दिलाले २०२० मै ३.६२ जिपिए ल्याउन सफल बनेकी थिइन् ।

उनीहरुलाई कलेजले प्रथम हुनेलाई नगद २५ हजार रुपैयाँ र तृतीय हुनेलाई १० हजार रुपैयाँ पुरस्कार र सम्मानपत्रले सम्मान गरिएको थियो । उनीहरुलाई प्रोत्साहन गर्नको लागि पुरस्कृत समेत गरीएको क्याम्पस प्रमुख डम्बरकुमार तुम्वापोले वताएकाछन् ।

क्याम्पस प्रमुख तुम्बापोका अनुसार गत वर्ष पनि कलेजका विद्यार्थी होटल म्यानेजमेण्ट,म्यानेजमेन्ट तर्फ प्रदेश १ को प्रथम साथै टियुअन्तर्गत देशभरबाट सेकेण्ड टपर समेत बन्न सफल भइसकेकाछन् । 

कलेजका अध्यक्ष ज्ञानेश्वर झाले कलेजले सफलता हात पार्नमा शिक्षक, अभिभावकको भूमिका र विद्यार्थिको मिहिनेतका कारण निरन्तर सफलता हासिल गर्दै आएको दावी गरे ।

कार्यक्रमको सञ्चालन होटल म्यानेजमेण्ट कोअर्डिनेटर गगन श्रेष्ठले गरेका थिए ।

धरानमा भएका कलेज मध्ये युएन कलेज छोटो समयमा सफलताको उचाईमा पुग्ने कलेजको रुपमा पहिचान वनाउन सफल वनेको छ ।