भोला श्रेष्ठ
धरान,१६ चैत ः कम्प्युटर क्षेत्रको जनशक्ति उत्पादन गर्ने उदेश्यले धरान स्थित केन्द्रीय प्रविधि क्याम्पस हात्तिसारले पहिलो पटक व्याच्लर इन इनफरमेसन टेक्नोलोजी (विट)को भर्ना शुरु गरेको छ ।
पहिलो वर्षका लागि ३६ जनाको लागि क्याम्पसले यसैसाताबाट कलेजमा भर्ना शुरु गरेको हो ।
कलेजले दिएको जानकारी अनुसार यो ४ वर्षे कोर्ष रहेकोमा ६ महिनाको एक सेमेस्टर र ८ सेमेस्टरमा यो कोर्ष सकिनेछ ।
त्रिभुवन विश्वविद्यालय अन्र्तगतका विज्ञान तथा प्रविधि अध्ययन संस्थानका आंगिक क्याम्पसहरुलाई मात्र यो कोर्ष पढाउनका लागि स्विकृति दिइएको हात्तिसार क्याम्पस धरानका क्याम्पस प्रमुख दिलकुमार लिम्वुले जानकारी दिएकाछन् ।
यो नेपालको लागि नया कोर्षको रुपमा पढाई शुरु भएको हो । यो कोर्ष २०७६ सालबाट नेपालमा पढाई शुरु भएको हो ।
क्याम्पसले दिएको जानकारी अनुसार जुनसुकै विषय लिएर प्लस टु उर्तिण गरेका विद्यार्थीहरुले फारम भर्न पाउनेछन् भने फारम भर्दा परिक्षा केन्द्र उल्लेख गरेका कुनैपनि ठाउबाट परिक्षा दिन मिल्ने व्यवस्था रहेको छ ।
धरानमा पढनको लागि पोखराका विद्यार्थीले पोखराबाटै परिक्षा दिन सक्नेछन् ।
परिक्षा विराटनगर,चितवन,काठमाडौं र महेन्द्रनगरबाट पनि दिन सकिनेछ । प्रवेश परिक्षाका लागि विद्यार्थीले अनलाइन प्रणालीबाट आफूलाई सहज हुने कुनैपनि ठाउबाट परिक्षा दिन सक्नेगरी फारम भर्न पाउने व्यवस्था क्याम्पसले गरेको छ ।
जुन विद्यार्थी जहा छ उसले सोही क्षेत्रबाट परिक्षा दिन पाउने छ । प्रवेश परिक्षामा उत्र्तिण भएका विद्यार्थीहरुले मात्र सो कोर्ष पढन पाउनेछन् ।
कम्प्युटर विषयलाई विशेष आर्कषण क्षेत्र वनाएपनि यहा सामाजिक लगायत अन्य कार्य गर्न सक्ने दक्षजनशक्ति उत्पादन गरीनेछ ।
नेपालका लागि समय सापेक्ष कोर्ष तयार गरीएको र उत्पादित जनशक्तिले तुरुन्तै रोजगारीको ग्यारेन्टी हुने क्याम्पस प्रमुख दिलकुमार लिम्वुको दावी रहेको छ ।प्राविधिक मात्र नभएर अन्य क्षेत्रको पनि दक्ष जनशक्ति उत्पादन हुने भएकोले रोजगारीको सुनिश्चित हुनेछ ।
यो कोर्ष पुरा भए लगत्तै मुलुकलाई आवस्यक रहेको कम्प्युटर अधिकृत लगायत आवस्यक दक्ष जनशक्ति पुरा हुदै जाने क्याम्पस प्रमुख लिम्वुको विश्वास रहेको छ ।
लिम्वुका अनुसार यो कोर्ष पुरा गर्नको लागि करिव ३ लाख ५० हजार अनुमानित खर्च लाग्नेछ ।
Copyright © 2020 / 2024 - Chhalkhabar.com All rights reserved
Website By : Hash Tech Logic
