विहिवारदेखि धरानका सम्पूर्ण विद्यालय वन्द हुने वार्षिक परिक्षा वैकल्पिक प्रणालीबाट गरीने

छाल खवर
धरान,७ वैशाख ः कोरोनाको ंसंक्रमण पुर्न दोहोरीन थालेपछि धरान उपमहानगरपालिकाले आफ्नो क्षेत्रमा रहेका सम्पूर्ण विद्यालयहरु बिहीबारदेखि पूर्णरुपमा बन्द गर्ने निर्णय गरेको छ ।

धरान उपमहानगरपालिकामा मंगलवार बसेको सरोकारवाला पक्षसँगको बैठकले यस्तो निर्णय गरेको हो ।

पछिल्लो केही दिन यता कोरोना संक्रमण बढ्दै जानथालेपछि सरकारले वैशाखभर विद्यालय बन्द गर्ने निर्णय गरेसँगै धरान नगरपालिकाको बैठकले पनि विद्यालय वन्द गर्ने निर्णय गरेको हो ।

बुधबार भने विद्यार्थीहरुलाई वार्षिक परीक्षा र स्वास्थ्य सुरक्षा प्रोटोकलबारे जानकारी गराउन एक दिन विद्यालय लाग्न दिने निर्णय गरिएको शिक्षा महाशाख प्रमुख रत्न कटवालले जानकारी दिए ।

उनका अनुसार वैशाख १४ गतेदेखि वार्षिक परीक्षा सुरु हुने र २४ गतेभित्र परीक्षा सक्ने निर्णय गरिएको छ ।