खानेतेलको जर्किनमा लागूऔषध

छाल खवर
धरान,९असार ः खानेतेलको जर्किन भित्र प्रतिवन्धित लागू औषध ओसार पसार गरेको आरोपमा प्रहरीले एकजनालाई पक्राउ गरेको छ ।

पक्राउ पर्नेमा सुनसरी चक्रघट्टी ७ का ३२ बर्षीय राजकुमार मगर रहेको प्रहरीले जनाएको छ ।

लागूऔषध नियन्त्रणमा ब्युरोबाट खटिएको प्रहरी टोलीले हिजो बेलुका साढे ६ बजे लागूऔषध सहित मगरलाई पक्राउ गरेको हो ।

मगरले बोकेको झोलामा खानेतेलको गिलेनमा एभिल ७७ एम्पुल, लुपिजेसिक ७५ एम्पुल, डाइजाल्याप ७५ एम्पुल र फेनारगन ७८ एम्पुल फेला परेको थियो ।

पक्राउ परेका मगरलाई ईलाका प्रहरी कार्यालय रानीबाट थप अनुसन्धान भईरहेको छ ।