के के इन्टरनेशनल स्कुलमा यस वर्षदेखि प्लस टु लेवल पढाई सुरु पहिलो भर्ना पहिलो प्राथमिकता स्कुलको यस वर्षको योजना

छाल खवर
धरान,११ असार ः छोटो समयमा नै शिक्षा क्षेत्रमा आफूलाई पहिचान गराउन सफल के.के. इन्टरनेशनल स्कुल धरान १५ ले यस शैक्षिक सत्रदेखि प्लस टु लेवलको पढाई सुरु गर्ने तयारी गरेको छ ।

केके स्कुलले यस वर्षदेखि विज्ञान, व्यवस्थापन,कम्प्युटर विज्ञानमा थप पढाई शुरु गर्न लागेको हो ।

स्कुलका प्रिन्सिपल डा त्रिदेव उपाध्यायका अनुसार भर्नाका लागि प्रि रजिष्ट्रेशन खुल्ला गरिसकेको छ ।

प्रिन्सिपल डा उपाध्यायले विद्यालयले विशेष गरी प्लस टु लेवलमा नै इञ्जिनियरीङ र मेडिकल इन्ट्रान्सको तयारी गराउने जानकारी दिनुभयो ।

स्कुलको यस अघिको एकपछिको सफलता नै उच्चशिक्षाको लागि बलियो जग रहेको उहाँको भनाई रहेको छ । स्कुलका अभिभावक,विद्यार्थीहरुको बलियो साथ र शिक्षक कर्मचारीहरुको मेहनत र व्यवस्थापन पक्षको वोल्ड निर्णय नै स्कुलको पहिलो आधार भएको उहाँलेृ वताउनुभयो ।

डा उपाध्यायले विद्यार्थीहरुका लागि स्कुलले अत्याधुनिक सुविधासम्पन्न विज्ञान प्रयोगशाला, क्लाउड वेस्ड कम्प्युटर ल्याब, सिम्याट तयारी कक्षा र कार्यक्रम कक्षा र शैक्षिक परामर्श कक्षाको समेत व्यवस्था गरेको जानकारी दिनुभयो ।

पहिलो भर्ना पहिलो प्राथमिकता स्कुलको यस वर्षको योजना रहेको र गुणस्तरीय शिक्षामा कोही कसैसंग सम्झौता नहुने उल्लेख गर्नुभयो ।

उहाँले विद्यार्थीको भीड जम्मा गनेभन्दा पनि दक्षजनशिक्त उत्पादन गर्ने स्कुलको लक्ष्य रहेको वताउनुभयो । भन्नुभयो –हामी भीड देखाउने भन्दापनि परिणाम मुखि कार्यमा जोडदिन्छौं ।यस वर्षमा प्लस टु लेवलमा १सय जना विद्यार्थी भर्ना लिने स्कुलले लक्ष्य लिएको छ ।

स्कुलले विद्यार्थीहरुलाई कितावी ज्ञान मात्र नभएर बाहिरी कुराहरुको पनि शिक्षा दिने उदेश्यले विभिन्न अतिरिक्त कृयाकलापहरु नियमित गराउदै सर्वाङ्गिण विकासका कार्यलाई प्राथमिकता दिदै आएको उहाँले जानकारी दिनुभयो छ ।
करिव ६ वर्ष अघि शुरु भएको केके स्कुलले अन्तर्राष्ट्रिय समेत हात पार्न सफल वनेको छ ।

स्कुलले दिएको जानकारी अनुसार ब्रटिस काउन्सिलको इन्टरनेशनल स्कुल अवार्ड २०१७र२० प्राप्त गर्न सफल भएको छ । साथमा ग्लोबल एजुकेशन सबमिट एण्ड अवार्ड समेत प्राप्त गर्न सफल भएको छ ।विद्यालयमा हाल ६ सय विद्यार्थीहरु अध्ययनरत रहेकाछन् ।