आइटीमय बातावरण बनाउदै नेशनल एकेडेमी

छाल खवर
धरान,४ साउन ःनेशनल एकेडेमी धरानले यस शैक्षिक शत्रबाट सुचना प्रविधिमय वनाउने भएको छ ।

एकेडेमीले मंगलवार एक प्रेश विज्ञप्ति जारी गर्दै नया कार्यक्रमको विषयमा जानकारी गराएको हो ।

एकेडेमीले यस शैक्षिक सत्रबाट सुचना प्रविधिलाई पुर्ण रुपमा आफ्नो पठनपाठन तथा कलेज संञ्चालनमा उपयोग गर्ने भएको छ ।

सफ्टवेयर कम्पनी कस्मस इन्भाइटेड इन्टरनेशनल प्रा.लि.को सहकार्यमा कलेजले आफ्नो कलेजलाई पुर्ण आईटीमय बनाउन लागेको हो ।

जसमा कलेजका सबै विधार्थीहरुको अनलाइन एकान्टिङ, फि पेमेन्ट,आईटी शिक्षण विधि, शिक्षक तथा कर्मचारीहरुको पेरोल, बाओमेट्रिक एटेन्डेन्स प्रणाली, शिक्षणको लागि स्मार्ट इन्टरेक्टिभ बोर्ड तथा अनलाइन जुमिङ कक्षा, कलेजको शिक्षण विधि र प्रशासनिक निगरानीको लागि सिसि क्यामरा कभरेज कक्षा तथा शैक्षिक वातावरण आदि हुने कलेजका सिईओ देव सुब्बाले जनाउनु भएको छ ।

कलेजले आईटी हार्डवेयर तथा सफुटवेयर ल्याव समेत निर्माण गरेको छ । विधार्थी तथा अभिभावकहरुलाई आईटीमुखी बनाउन यसै शैक्षिक सत्रबाट अनलाइन फारम भर्न सकिने ब्यावस्था कलेजले गरेको छ ।

विधार्थीहरुलाई प्रोत्साहन गर्न अनलाइन फारम भरेमा रिवार्डको समेत ब्यवस्था कलेजले गरेको छ ।

यसले विश्व कोभिड महामारीबाट विधार्थी तथा अविभावकहरु सुरक्षित रहन सहयोग पुग्ने कलेजले जनाएको छ ।

यसले शैक्षिण विधिमा नयापन महशुस गराउने र आजको युग अनुसार शिक्षा परिणाम मुखी हुने कलेजका प्रिन्सिपल श्रीशिशा राइको भनाई छ ।

शिक्षा क्षेत्रमा समयसनुसार परिवर्तन गर्न नया प्रविधि अपनाइएको कलेजका अध्यक्ष सालिकराम राईले बतााउनुभयो ।
२०५८ सालमा स्थापित भए देखि निरन्तर प्लस टु माध्यमिक शिक्षामा सर्मपित शैक्षिक संस्था हो । यस कलेजले नया प्रविधिहरुमा सधै जोड दिदै आएको छ ।

भीडलाई भन्दा गुणस्तरलाई जोडदिने एकेडेमीको विशेषता रहेको सिइओ देव सुव्वाको भनाई रहेको छ ।