छाल खवर
धरान,१७ साउन ःनेशनल एकेडेमी धरानले अन्तर्राष्ट्रिय गुणस्तर प्रमाणपत्र चिन्ह आईएसओ प्राप्त गर्न सफल भएको छ ।
यस्तो चिन्ह प्राप्त गर्ने नेशनल एकेडेमी प्रदेश नृं. १ कै पहिलो शैक्षिक संस्था बन्न पुगेको हो ।
कुनैपनि कलेज, स्कुल वा संस्थाले आवश्यक क्षेत्रमा निश्चित मापदण्ड पुरा गरी आफ्नो अन्तर्राष्ट्रिय स्तर कायम गरेपछि इन्टरनेशनल स्ट्यान्डर्ड अर्गनाइजेशनले यस्तो प्रमाणपत्र दिने गर्दछ ।
प्रमाणपत्र प्राप्त गरेपछि सो संस्था अन्तरराष्ट्रिय स्तरको गुण भएको संस्थाको रुपमा चिनिन्छ र आईएसओ प्रमाणपत्र चिन्ह दिइन्छ ।
यसका अध्ययन अध्यापन लगायत शैक्षिक तथा अतिरिक्त क्रियाकलाप, भौतिक संरचना, वातावरण सबै अन्तरराष्ट्रिय स्तरका हुनेछन् । नेशनल एकेडेमीले सन् २०२१ जुलाई २८ तारिखमा उक्त प्रमाणपत्र प्राप्त गर्न सफल भएको एकेडेमीका सिइओ देव सुब्बाले जानकारी दिनुभयो ।
कलेजले चिन्ह लिने प्रक्रिया गत बर्ष देखि शुरुवात गरेको थियो । यद्धपि आईएसओ प्रमाणीकरणका लागि केही मापदण्डहरु कलेजले पुरा गर्न बाँकी रहेको छ, जुन आईएसओले तोकेको समयभित्र पुरा गर्नुपर्ने हुन्छ । कलेज यसतर्फ तदारुकताका साथ लागिपरेको सुब्बाले बताउनुभयो ।
कलेजले अङ्ग्रेजी माध्यमबाट मेनेजमेन्ट तथा नेपाली माध्यममा एजुकेशन तथा ह्युमेनिटिज विषय अध्यापन गराउदै आएको छ ।
कलेजले सो स्तर कायम गरेसँगै अब कलेजका प्रमाणपत्र देखि लिएर सबै कागजात आईएसओ चिन्ह अंकित हुने भएकोले उक्त कागजातहरुको महत्व सामान्य शैक्षिक संस्थाको भन्दा फरक र विशिष्ट हुनेछ ।
संस्थाले गुणस्तर चिन्ह प्राप्त गरेपनि निरन्तर आईएसओको अनुगमनमा रहनुपर्नेछ । स्कुल तथा कलेजहरु नेपालको शैक्षिक प्रणालीगत संगठन अनुसार सम्बन्धित निकायको अनुगमनमा हुने गरेकोमा नेशनल एकेडेमी अब एक अन्तरराष्ट्रिय निकायको अनुगमनमा समेत रहनेछ ।
हरेक शैक्षिक गतिविधिमा अन्तरराष्ट्रिय स्तरको निकायको प्रत्यक्ष अनुगमन प्राप्त हुने भएकाले विद्यार्थीहरुको उज्वल भविष्य र शैक्षिक गुणस्तरका लागि कलेजले आईएसओ प्रमाणपत्र चिन्ह लिएको सिईओ सुब्बाले बताउनुभयो ।
धरानलाई शिक्षाको हवको रुपमा विकास गर्न यसले मद्धत पुग्ने उहाँले बताउनुभयो ।
यसले कलेजको शैक्षिक लगायतका गुणस्तरमा नया आयाम थप्ने, शिक्षा क्षेत्रमा अस्वस्थ्य प्रतिस्पर्धाको अन्त्य गर्न सहयोग पु¥याउने, विधार्थी तथा अविभावकले नेपालमै एक अन्तरराष्ट्रिय स्तरको गुणस्तर शिक्षा पाउने निश्चित भएकोे कलेजका प्रिन्सिपल श्रीशीशा राईले जानकारी गराउनु भयो ।
अब यो कलेजमा अध्ययन पुरा गर्ने सबै विधार्थीहरुले पाउने आईएसओ अंकित प्रमाणपत्र अन्तरराष्ट्रिय महत्वको हुने र विश्व परिवेशमा विद्यार्थीहरुले सहजै विभिन्न अवसरहरु पाउने बताउनुभयो ।
यसले शिक्षालाई थप व्यवहारिक, गुणस्तरिय र विधार्थीहरुविचको प्रतिस्पर्धालाई थप स्वस्थ र मर्यादित बनाउने उहाँले बताउनुभयो । चिन्ह प्राप्त गर्ने क्रममा यसका मापदण्डहरु पुरा गर्न कठिन भएपनि शिक्षाको गुणस्तरका लागि कलेज व्यवस्थापनले मिहनेत र पर्याप्त लगानी गरेको उहाँले जानकारी गराउनुभयो ।
विशेष गरी प्लस टुको शिक्षालाई व्यापारको रुपमा लिइने प्रवृत्तिले अस्वस्थ्य प्रतिस्पर्धा बढेको, यसले विधार्थीहरुको भविश्य माथि खेलवाड हुने गरेको र अभिभावकको लगानी खेर गइरहेको सन्दर्भमा आधुनिक परिवेश अनुसारको शैक्षिक गुणस्तर वुद्धिमा व्यवस्थापन टिम लागिपरेको कलेजका अध्यक्ष सालिक सतासक राईले बतााउनुभयो ।
आजको विश्वको प्रतिस्पर्धात्मक शैक्षिक परिवेशमा नेपाली शैक्षिक उत्पादनले प्रतिस्पर्धा गर्न सकोस भन्नका लागि पनि यो चिन्ह लिएको उहाँले बताउनुभयो ।
यस अघिनै नेशनल एकेडेमीले आफ्नो सम्पुर्ण वातावरणलाई सुचनाप्रविधियुक्त बनाएको छ ।
यसका पठनपाठन, अतिरिक्त क्रियाकलाप, दैनिक कार्यालय सञ्चालन लगायत सम्पुर्णपक्षमा आवश्यक आईटी पुर्वाधारहरु तयार गरेको छ ।
भिन्न र नवीनतम विधि तथा प्रविधिमा अगाडी देखिएको कलेजले यसै शैक्षिक वर्षदेखि सामाजिक विकास तथा जीवनोपयोगी शिक्षा अन्तर्गत लिम्बु, राई बान्तावा र नेवारी भाषा पढाउने तयारी गरिसकेको छ ।
नेशनल एकेडेमी धरानकै लागि गौरवलायक शैक्षिक संस्था बन्न पुगेको अध्यक्ष राईले दाबी गर्नुभयो ।
सुचनाप्रविधियुक्त व्यवहारिक तथा अन्तरराष्ट्रिय स्तरको शिक्षा लिई आफ्नो शैक्षिक भविष्य उज्वल बनाउन धरान र आसपासका विद्यार्थी तथा अभिभावकहरुलाई सुनौलो अवसर प्राप्त हुने उहाको भनाई रहेको छ ।
Copyright © 2020 / 2025 - Chhalkhabar.com All rights reserved
Website By : Hash Tech Logic
