छाल खवर
धरान,२९ साउन ःधरान मेघा कलेजमा उच्च शिक्षा अध्ययनका लागि प्रवेश परिक्षा दिनेको भीड लागेको छ ।
अन्य कलेजमहरुमा पनि शुक्रवार नै प्रवेश परिक्षा दिने मिति तय भएपनि मेघा कलेजमा भने विद्यार्थीहरुको भीड लागेको हो ।
कलेजले माध्यमिक शिक्षा परीक्षा (एस.ई.ई) उत्तीर्ण बिद्यार्थीहरुलाई कक्षा–११ मा अध्ययन गर्नका लागि शुक्रबार प्रबेस परीक्षा लिएको थियो ।
प्रबेस परीक्षामा ३ सय ५० जना भन्दा बढी विद्यार्थी सहभागी भएको कलेजका प्रिन्सिपल भास्कर पौडेलले जानकारी दिनुभएको छ ।
कलेजका एकेडेमिक डाईरेक्टर अर्जुन घिमिरेका अनुसार प्रबेस परीक्षा आधारभुत स्वास्थ्य मापदण्ड पालना गरि बिद्यार्थीहरुको भौतिक उपस्थितीमा र अनलाईन माध्यमबाट लिइएको जानकारी दिनुभयो ।
उहाँले भन्नुभयो –हामिले भौतिक उपस्थितिमा ३ सय जना र अनलाईनबाट ५० जना भन्दा बढिको प्रबेस परीक्षा लियौ।
प्रबेश परीक्षामा धनकुटा, तेह्थुम, संंखुवासभा, इलाम, झापा, मोरङ्ग, सुनसरी लगायतका जिल्लाबाट सहभागी भएको एकेडेमिक डाईरेक्टर घिमिरेले जानकारी दिनुभएको छ ।
धरानमै उत्कृष्ट र अत्याधुनिक बिज्ञान प्रयोगशाला समेत भएको घिमिरेले दाबी गर्नुभएको छ ।
कलेजका अनुसार नियमित अध्ययन अध्यापन बाहेक बिद्यार्थीहरुको ब्यक्तित्व, नेतृत्व बिकास लगायत अन्य अतिरिक्त क्रियाकलापमा समेत उत्तिकै जोड दिइने कलेजले जनाएको छ।
यस बर्षदेखी कलेजले प्लस टु तर्फ साईन्स, कम्प्युटर साइन्स, फुड एन्ड न्युट्रीसन र होटल म्यानेजमेन्टको पढाइ सुरु गरेकोछ।प्लस टु तर्फ नेपाल मै पहिलो पटक फुड एन्ड न्युट्रीसनको पढाइ सुरु गरेको समेत कलेजको दावी रहेको छ ।
अन्य कलेजमा भन्दा मेघामा प्रयोग शाला र वातावरण पनि अत्यन्तै राम्रो भएको प्रवेश परिक्षामा सहभागी कमला कार्कीले वताइन ।
अन्य कलेजमा भन्दा मेघामा विद्यार्थीहरुको चाप बढेको अभिभावकहरुको भनाई रहेको छ । विद्यार्थीहरुको आर्कषणलाई कलेजले आफ्नो शाखको रुपमा स्थापित गर्नुपर्नेमा अभिभावकहरुको जोड रहेको छ ।
पछिल्लो समय मेघामा अभिभावक र विद्यार्थीको आर्कषण बढन थालेको छ ।
Copyright © 2020 / 2024 - Chhalkhabar.com All rights reserved
Website By : Hash Tech Logic
