पत्रकार माथि आक्रमण गर्नेलाई कार्वाहीको माग

छाल खवर
धरान,४ पुष ः नेपाल पत्रकार महासंघ सुनसरीले धरानमा रहेर पत्रकारीता गदै आएका दिलबहादुर राईमाथि आक्रमण गर्नेलाई पहिचान गरी कार्वाही गर्न माग गरेको छ ।

कामको शिलशिलामा पुस ३ गते राति धरान– १५ स्थित बगरकोटमा अराजक समूहले पत्रकार राई माथि आक्रमण गरी घाइते वनाएको थियो ।

नेपाल पत्रकार महासङ्घ सुनसरीको गम्भिर ध्यानाकर्षण भएको समेत विज्ञप्तिमा जनाएको छ ।

संचार माध्यममा कार्यरत पत्रकारलाई कुनै पनि कारणले गरिएको यस्तो घृणीत कार्यप्रति नेपाल पत्रकार महासङ्घ सुनसरी खेद प्रकट गर्दछ सचिव धु्रव ढकालद्धारा आइतवार जारी विज्ञप्तिमा भनिएको छ ।

पत्रकार दिलबहादुर राईको जिउ ज्यानको सुरक्षाको व्यवस्था गर्न जिल्ला प्रशासन समक्ष माग समेत महासंघले गरेको छ ।

पत्रकार राईलाई हातपात गर्ने व्यक्तिहरुको तत्काल पहिचान गरी कानुनी कारबाही गर्न जिल्ला प्रशासन सहित जिल्ला प्रहरी कार्यालय समक्ष माग जोडदार माग गरीएको छ ।

घाइते राईको टाउकोमा १४ भन्दा वढी टाका लागेको छ ।

त्यसैगरी प्रेस सेन्टर नेपाल सुनसरीले पनि छुट्टै विज्ञप्ति जारी घटनाको निन्दा गरेको छ ।

सेन्टरका सुनसरी अध्यक्ष तीर्थ कार्कीद्धारा जारी विज्ञप्तिमा घाइतेको तत्काल उपचारको व्यवस्था गर्न र घटनामा संलग्नलाई कानूनी दायरामा ल्याउन माग गरीएको छ ।

सोही समाजवादी प्रेस संगठनका सुनसरी अध्यक्ष प्रेम वास्तोलाले पनि घटनाको निन्दा गर्दै दोषिलाई तत्काल पक्राउ गरी कार्वाही गर्न माग गरेकाछन् ।उनले घाइतेको स्वास्थ्य लााभको कामना गरेकाछन् ।