छाल खवर
धरान, १ जेठ ः धरान उपमहानगरपालिका वडा नं १ मा नेपाली कांग्रेसले आफ्नो विरासत कायम गरेको छ ।
नेपाली कांग्रेसले विगतमा जस्तै कांग्रेसको विरासत कायम गर्दै आफ्नो वडामा विजयको झण्डा फहराएको छ ।
स्थानीय निर्वाचनमा नेपाली कांग्रेसका तर्फबाट वडा नं १ को वडाअध्यक्षमा कांग्रेसका यज्ञमणी आचार्य विजयी भएका छन् । उनले ७सय ५७ मत पाएका छन् । उनका निकटतम प्रतिद्धन्दी राप्रपाका रोशन अधिकारीले ७०३ मत पाएका छन् भने एमालेका उम्मेद्वार सुमन श्रेष्ठल १७७ मतमा चित्त वुझाएकाछन् ।
यस्तै, कांग्रेसबाट महिला सदस्यमा ८सय ८९ मत ल्याएर रहिसा कसजु विययी भइन् भने दलित महिला सदस्यमा रिता सुन्दास ८सय ६० मत ल्याएर विजयी भइन् ।
यस्तै, खुला सदस्यमा विनोद मानन्धर ७सय ८१ र उज्वल बास्तोला ६सय ९६ विजयी भएका छन् । वडा १ मा कुल मतसंख्या खसेको १९३२ खसेको थियो ।
त्यसैगरी वडा नंं २ मा नेकपा एमालेले कांग्रेसको विरासतलाई ढाल्दै आफ्नो लाल झण्डा फहराउन सफल वनेको छ । वडा नं. २ मा एमालेबाट वडाअध्यक्ष मा रमेश राई विजयी वनेकाछन् ।
वडाअध्यक्षमा विजयी राईले ७४८ मत ल्याएका छन् भने पराजित कांग्रेसका उम्मेद्वार सुधिरसिंह लिम्बुले ६२७ मत पाएका छन् । यसैगरि, एमालेबाट विजयी समिर राईले ६६० मत पाएका छन् उनी नेकपा एमालेबाट विजयी वनेका हुन । उनका उनका प्रतिस्पर्धी कांग्रेसका अजय राईले ६५५ मत मात्र ल्याएका थिए ।
यस्तै, दलित महिला सदस्यमा बुनु शंकरले ६८० मत पाएर विजयी भइन् भने एमालेका उम्मेद्वारले ६५५ मत पाएका छन् । यस्तै, महिला खुला सदस्यमा कांग्रेसकी उम्मेद्वार सन्ध्या श्रेष्ठले ६८४ मत पाएर विजयी भइन् भने प्रतिद्धन्दी एमालेकी उम्मेद्वारले ६६७ मत पाइन् । कांग्रेसका दिनेश अग्रवालले ६९१ मत ल्याएर विजयी भएका छन् भने प्रतिद्धन्दी एमालेका उम्मेद्वारले ६२८ मत पाए ।
यता वडा नं ३ मा गठबन्धनको प्यानल विजयी भएको छ ।
वडाअध्यक्षमा गठबन्धनबाट नेपाली कांग्रेसका अध्यक्ष विद्या शाक्यले निकटतम प्रतिद्धन्दी नेकपा एमालेका सुयोग पाख्रिनलाई ४१७ मतान्तरले पराजित गरेकाछन् । विजयी शाक्यले १०४२ मत पाए भने पराजित पाख्रिनले ६२५ मत पाए ।
यस्तै, महिला सदस्यमा गठबन्धनका उषा सुब्बाले १०४२ मत पाएर विजयी भइन् भने दलित महिला सदस्यमा शोभा विश्वकर्माले १०८३ मत पाइन् । खुला सदस्य मनिष खड्गीले ११०६ मत प्राप्त गरी विजयी हात पारेका थिए भने मिङ्मा भोटेले ९९९ मत ल्याएर विजयी भए ।
वडा नं. १ यस अघि पनि कांग्रेस किल्ला मानिदै आएको छ भने वडा नं २ यस अघि नेपाली कांग्रेसको गड मानिन्थ्यो । यसपाली एमालेले वाजी मारेको छ । वडा नं. ३ मा भने एमालेको लालकिल्ला मानिन्थ्यो ।
एमालेको लालकिल्ला तोडदै गठवन्धनको तर्फबाट कांग्रेसले वाजी मारेको छ । वडा नं ३ मा नेपाली कांग्रेस र माओवादीको गठवन्धन रहेको थियो ।
हाल ४ ,५ र ६वडाको मतगणना जारी रहेको छ ।
Copyright © 2020 / 2025 - Chhalkhabar.com All rights reserved
Website By : Hash Tech Logic
