धरान वडा ९ मा नेपाली कांग्रेसको प्यानल निवार्चित

छाल खवर
धरान,४ जेठ ः धरानमा जारी मतगणनामा यसअघिको कम्युनिष्टको विजय यात्रामा लगाम लागेको छ । वडा नं ९ मा नेपाली कांग्रेसको प्यानलै विजयी भएको छ ।

मंगलबार राती सम्पन्न गतगणनाको अन्तिम परिणाम अनुसार नेपाली कांग्रेसबाट वडाअध्यक्षमा रुपेश आचार्य ८९७ मत ल्याएर निवार्चित भएका छन भने उनका निकटतम प्रतिद्धन्दी नेकपा एमालेका उम्मेद्वार शिवकुमार राईलाई ३सय ५१ मतान्तरले पराजित गरे । राईले ५४६ मत प्राप्त गरे ।

वडा महिला सदस्यमा विजयी विन्दु अधिकारीले ८३२ मत प्राप्त गरिन् भने दलित महिला सदस्य अम्बिका विसम्के सार्कीले ८४८ मत प्राप्त गरिन् । खुला सदस्यमा कृष्णबहादुर कार्कीले ७९८ मत र शरदरत्न पार्थिवले ७७९ प्राप्त गरेका छन् ।

२०७४ सालमा वडा नं ९ मा एमाले निर्वाचित वनेको थियो ।