नेशनल एकेडेमीमा विद्यार्थीहरुवीच साँस्कृतिक प्रतियोगिता हुने

छाल खवर
धरान,१२ साउन ः धरान १ स्थित नेशनल एकेडेमी स्कुलले विद्यार्थीहरुवीच साँस्कृतिक सम्मेलन गर्ने भएको छ ।

सो कार्यक्रमका लागि स्कुलमा विद्यार्थीहरुको फेसन एण्ड मोडलिङ क्लवलाई निरन्तरता दिदै काम गर्दै आएकी स्रोत व्यक्ति मिस नेपाल आइडल २०१८ विजेता मेरुना तुम्साले को अर्डिनेटरको भूमिका निर्वाह गरीरहेको एकेडेमीले जनाएको छ ।

तुम्साका अनुसार हरेक स्कुलबाट पाच देखि आठ जनाको संख्यामा विद्यार्थीहरुले नेपालको कुनै जातिको मौलिक भेषभुसामा सहभागिता रहनेछ ।

विद्यार्थीहरुको टिम लिडरले उक्त जातिको संस्कृतिको वारेमा छोटो पावरपइन्ट प्रेजेन्टेशन गर्नुपर्ने र उक्त संस्कृतिसंग सम्वन्धित एउटा नृत्य समूहले प्रस्तुत गर्नुपर्नेछ ।

विद्यार्थीहरुले आफूलाई मन परेको साँस्कृतिक पहिरनमा सहभागी सक्ने तुम्साको भनाई रहेको छ ।

सो प्रतियोगितामा उत्कृष्ट छनौट भएमा ट्रफि सहित नगद ५० हजार र प्रमाण–पत्र प्रदान गरीने तुम्साले वताएकिछिन । प्रतियोगितामा सहभागी सवैलाई प्रमाण पत्रको व्यवस्था गरीएको एकेडेमीले जनाएको छ ।

यस कार्यक्रमले विद्यार्थीहरुमा नेपालको संकार संस्कृतिका विषयमा वास्तविक ज्ञान हासिल हुनुका साथै भावि पुस्तामा संस्कार संस्कृति प्रति आर्कषण वढने एकेडेमीका प्रिन्सिपल श्रीसिसा राईले वताउनु भयो ।

विद्यार्थीहरुमा साँस्कृतिक ज्ञान प्रदान होस भन्ने उदेश्यले सो प्रतियोगिता आयोजना गर्न लागिएको प्रिन्सिपल राईको भनाई रहेको छ ।

नेशनल एकेडेमी स्कुल प्रदेश नं. १ बाट अन्तर्राष्ट्रिय गुणस्तर चिन्ह आइएसओ प्राप्त गर्ने पहिलो भएको स्कुलले दावी गर्र्दै आएको छ ।

प्रतियोगिता धरान कै पहिलो भएको स्कुलको दावी रहेको छ ।