लिम्वुवान फोर्सद्धारा वृक्षरोपण सम्पन्न

छाल खवर
धरान,२९ साउन ः संघीय लिम्वुवान पार्टी नेपालको युवा संगठन लिम्वुवान काङसोरे फोर्सले वृक्षरोपण कार्यक्रम सम्पन्न गरेको छ ।

फोर्सले धरान–१४ विजयपुर स्थित पञ्चकन्या मन्दिरको आसपासको वन क्षेत्रमा वृक्षरोपण गरेको हो ।

सो क्षेत्रमा धुपी, कटहर, कोला, आप,सल्ला, वास लगायतका वृक्षरोपण गरीएको फोर्सका सचिव अनाम श्रेष्ठले जानकारी दिएकाछन् ।

उनका अनुसार लिम्वुवानको ऐतिहासिक राजधानी विजयपुर दरवारलाई संरक्षण गर्ने उदेश्यले कार्यक्रम आयोजना गरीएको हो ।

कार्यक्रममा फोर्सका केन्द्रीय विभाग सचिव तथा सुनसरी जिल्ला इन्चार्ज सञ्जयहाङ राई (अराजक) ले ऐतिहासिक लिम्वुवान राजधानी विजयपुर माथि धार्मिक अतिक्रमण गरेर सिध्याउन लागेकोले यसलाई बचाउन संरक्षण गर्न समिति गठन गरी अघि वढको वताए ।

उनले ऐतिहासिक धरोहर समाप्त पार्न नहुने वताउदै यसका लागि फोस डटेर सामाना गर्ने चेतावनि समेत दिएका थिए ।