मुख्यमन्त्री राजेन्द्र राईको चुनावी ध्यान सुनसरी १ तिर

खेम बहादुर माझी
धरान,१० भदौं ः नेपाल कम्युनिष्ट पार्टी (एकिकृत समाजवादी) सुनसरी क्षेत्र नं १ बाट संघीय निर्वाचनका लागि प्रदेश नं १ मुख्यमन्त्री राजेन्द्र राई सिफारीस भएकाछन् ।

प्रदेश सभामा भोजपुरबाट निर्वाचित भई मुख्यमन्त्री वनेका राई संघीय निर्वाचनका लागि सुनसरी क्षेत्र नं १ बाट सिफारीस भएका हुन् ।

त्यसैगरी अन्य सिफारीस भएका उम्मेद्वारहरुमा केन्द्रीय सदस्य तथा सुनसरी सहइन्चार्ज मुख्यमन्त्रीका राजनीतिक सल्लाहकार जीवन राई, केन्द्रीय परिषद सदस्य लक्षुमण चौधरी, प्रदेश कमिटी सदस्य तारा लामगादे, जिल्ला सदस्य आनन्द श्रेष्ठ र धरान उपमहानगर कमिटी उपाध्यक्ष पद्मा सुव्वाको नाम सिफारीस गरीएको पार्टीले जनाएको छ ।

त्यसैगरी सुनसरी क्षेत्र नं. १ क को प्रत्यक्ष तर्फ केन्द्रीय सदस्य तथा सुनसरी सहइन्चार्ज सुुष्मा राई, तथा प्रदेश कमिटी सदस्य तारा लामगादेको नाम सिफारीस गरीएको धरान नगर सचिव खेम प्रसाद दाहालले जानकारी दिएकाछन् ।

त्यसैगरी क तर्फको समानुपातिकमा केन्द्रीय सदस्य तथा सुनसरी सहइन्चार्ज सुष्मा राई, सुनसरी जिल्ला कमिटी उपसचिव सविता कोइराला, जिल्ला कमिटी सदस्य एकराज सुव्वा, धरान नगर उपसचिव स्वर्णिम फोम्बोको नाम सिफारीस गरीएको छ ।

त्यसैगरी प्रदेश ख तर्फ प्रत्यक्षमा जिल्ला कमिटी सदस्य तथा धरान उपमहानगर अध्यक्ष रेवतिरमण राई, वराहक्षेत्र नगर कमिटी अध्यक्ष चन्द्र थापा मगर सिफारीस भएकाछन् ।

यता समानुपातिकतर्फ प्रदेश कमिटी सदस्य श्याम नारायण राजधामी, प्रदेश कमिटी सदस्य दुर्गादेवी बुढाथोकी, र धरान उपमहानगर सहसचिव अमृता रामदामको नाम सिफारीस गरीएको छ ।

प्रस्तावित नामहरुलाई क्षेत्रीय कमिटीबाट जिल्ला कमिटीमा सिफारीस गर्ने गरीने पार्टीले जनाएको छ ।

सुनसरी क्षेत्र नं १ मा जनता समाजवादी पार्टीका संघीय परिषद अध्यक्ष अशोक राईले आफ्नो उम्मेद्वारी घोषणा गरीसकेकाछन् । भोजपुरका राजेन्द्र राईको नाम क्षेत्र नं १ बाट सिफारीस हुनुलाई महत्वका साथ हेरीएको छ । केही दिन अघि मुख्यमन्त्री राई यस क्षेत्रबाट चुनाव लडने चर्चा चलेको थियो ।