क्रियटिभ स्कुल सर्कलको एक दिवसीय फुटवल सम्पन्न

छाल खवर
धरान,१६ भदौं ः क्रियटिभ स्कुल सर्कल –(सिएससि) धरानको आयोजनामा एक दिवसीय विद्यालय स्तरीय फुटवल प्रतियोगिता सम्पन्न भएको छ ।

धरान– १६ स्थित वुढासुव्वा फुटसलमा भएको खेलमा धरानका ७ वटा निजी विद्यलायहरु सहभागी रहेका थिए ।

प्रतियोगितामा अन्य स्कुलहरुलाई पछि पार्दै देउराली चिल्ड्रेन एकेडेमी धरान–५ ले प्रथम स्थान हात .पार्न सफल वनेको थियो । प्रतियोगितामा एक्वा सेकेण्डरी वोडिङ स्कुल धरान– १७ ले दोस्रो स्थान जित्न सफल वनेको थियो ।

प्रतियोगितामा देउराली पञ्चकन्या विलिवर्सका रियो राई उत्कष्ट गोलकिपर घोषित भएका थिए भने सर्वाधिक गोलकर्ता एक्वा इङलिस वोडिङ स्कुल धरान– १७ का सशिम मगर घोषित भएका थिए ।

प्रतियोतिामा उत्कृष्ट खेलाडी देउराली चिल्ड्रेन एकेडेमी धरान– ५ का एशब वि.क. लाई घोषित गरीएको थियो ।

सो प्रतियोगितामा हिविसकस इङलिस वोडिङ स्कुल धरान– १५, देउराली पञ्चकन्या विलिवर्स वोडिङ स्कुल धरान–५, धरान इङलिस वोडिङ स्कुल धरान– ५, आवर होम वोडिङ स्कुल धरान–१९ र जोलसाया इङलिस वोडिङ स्कुल– ११ ले सहभागीता जनाएका थिए ।

विजेता तथा सहभागी विद्यालयका खेलाडीहरुलाई क्रियटिभ स्कुल सर्कल –(सिएससि) धरानका अध्यक्ष गंगाराम राईले ट्रफि, मेडल तथा प्रमाण– पत्र प्रदान गर्नुभएको थियो ।

२०७६ सालमा स्थापना गरीएको सो समितिले यस अघि विभिन्न कार्यक्रमहरु गर्दैै आएको छ । यस पटक भने फुटवलको आयोजना गरेको हो ।