जनता म बाट आसावादी रहेको पाँए– विजयकुमार राई

छाल खवर
धरान,१८ कार्तिक ः सुनसरी क्षेत्र नं १ मा प्रतिनिधि सभा सदस्य पदका उम्मेद्वार विजयकुमार राईले मतदाता शिक्षासँगै आफ्नो घरदैलो अभियानलाई तिव्र वनाएकाछन् ।स्वतन्त्रबाट उम्मेद्वार वनेका कर्नल राईले घरदैलोका क्रममा मत माग्दै मतदाता शिक्षा समेत दिदै घरदैलो अभियानलाई तिव्र वनाएका हुन् ।

विजयकुमार राई स्वतन्त्रबाट चुनावी चिन्ह छत्रे टोपी (गोर्खा ह्याट) लिएर चुनावी मैदानमा छन् ।

शुक्रवार उनले धरान–१३ को जानकी चौंक, सुम्निमा चौंक, मदनआश्रित मार्ग लगायतका क्षेत्रमा घरदैलो गरेका थिए ।

घरदैलोका क्रममा मतदाताहरुले दलहरुको वषौंदेखिको व्यवहारले आफूहरु आजित भएकोले यस पटक स्वतन्त्र उम्मेद्वारलाई मतदान गर्ने पक्षमा रहेको आफूले पाएको वताए ।

स्वतन्त्रको पक्षमा जनता उत्साहित भएको देखेर आफूलाई गर्व लागेको वताउदै राईले समाज परिवर्तन र सुदृढ नेपाल स्वतन्त्रबाट मात्रै संभव छ भन्ने जनतामा चेतना जागि सकेको वताए ।

आफूले छानेको र रोजेको उम्मेद्वारलाई दिएको भोट वद्धर नहोस भन्ने उदेश्यले जनतामा जागरुक गराउन भोटसँग मतदाता शिक्षा समेत एकसाथ सञ्चालन गरेको उनको भनाई थियो ।

उनले शुक्रवार धरानको विभिन्न ठाउमा घरदैलो कार्यक्रमलाई तिव्रता दिएका थिए ।