कहिले मंसिर ४ आउछ र मलाई भोट दिउ भनेर जनता आतुर छन– अशोक राई

छाल खवर
धरान,२१ कार्तिक ः सुनसरी क्षेत्र नं. १ का प्रतिनिधि सभा सदस्य पदका उम्मेद्वार पूर्वमन्त्री अशोक राईले जनता आफूलाई भोट दिन आतुर रहेको वताएकाछन् ।

जनता समाजवादी र नेकपा एमालेको गठवन्धनबाट उम्मेद्वार वनेका राईले धरान–१६ को घरदैलोको क्रममा छोटो प्रतिक्रिया दिदै सो कुरा वताएका हुन् ।

स्वागत अभियानले पनि हामीले जिति सकेको महशुस गरेका छौं । मंसिर ४ गते छिटो भन्दा छिटो आफ्नो अभिमत वक्सामा वन्द गर्नुपाए हुने थियो भन्ने रहेको पाएको उल्लेख गरेकाछन् ।

समिकरणलाई जिताउनु अहिलेको राष्ट्रिय आवस्यकता हो । त्यो कुरा जनताले वुझेकाछन् । नेपाली राजनीतिमा आफूले दिएको योगदानको मुल्याङ्कनले पनि आफलाई जिताउन आग्रह गरेका थिए ।

आफ्नो प्रतिष्पर्धा अर्को गठवन्धनका उम्मेद्वारसंग हुने उनले जिकिर गरेका थिए ।

त्यसैगरी प्रदेश सभाका उम्मेद्वार विजयकुमार राईले जसपा र एमालेको तालमेलको उम्मेद्वारलाई अभिमत दिन उत्साहित रहेको प्रतिक्रिया दिएकाछन् ।

घरदैलोमा भेटिएका नेकपा एमाले धरान– १६ का सचिव हरी राउतले आफ्नो वडामा जसपा एमालेवीचको तालमेलका उम्मेद्वारको पक्षमा दिनप्रतिदिन माहौल वन्दै गएको प्रतिक्रिया दिएकाछन् ।