सुनसरी १ (१) मा एमालेका रमेश बस्नेत विजयी

छाल खवर

धरान,९ मंसिर ः सुनसरी क्षेत्र नं. १ प्रदेशसभा (१) मा नेकपा एमालेका उम्मेदवार रमेशकुमार बस्नेत विजयी भएका छन् ।

वस्नेतले निकटतम प्रतिष्पर्धी गठबन्धनका उम्मेदवार नेपाली कांग्रेसका उमेश थापालाई १ हजार ३ सय ५० मतले पराजित गर्दै विजयी वनेका हुन ।

बस्नेतले ११ हजार १०२ मत प्राप्त गर्दा थापाले ९ हजार ७५२ मत प्राप्त गरे । सुनसरी १ (१) मा ३९ हजार ७२६ मत खसेको थियो ।

तेस्रो स्थानमा राप्रपाका उद्धव श्रेष्ठले ८ हजार ३६३ मत प्राप्त गरे ।

को हुन् रमेशकुमार बस्नेत ?

जतिबेला स्थानीय तहहरुको पुनः संरचनाको बहस भइरहेको थियो । उतिबेला धरान पनि तानातानमा थियो ।

मेट्रोसिटी, मेघासिटी आदिको व्यापक बहस थियो । इटहरी, धरान र विराटनगर जोडेर मेघा सिटी बनाउने, इटहरी र धरान मात्रै जोड्ने लगायतका प्रयास भए । त्यसबीचमा छिमेकी पालिका जोडिने र स्तरोन्नती हुने क्रम शुरु भयो । पाँचकन्या र विष्णुपादुका गाविसलाई धरानमा गाभ्ने र धरानलाई उपमहानगरपालिका बनाउने विषयमा बहस शुरु भयो ।

बहस शुरु हुन थालेपछि गाविसवासी विभाजित भए । धरानमा गाभिदा पाँचकन्या र विष्णुपादुकाको इतिहास नामेट हुन्छ भन्ने आम बुझाइ थियो । तर नेकपा ९एमाले० का नेता तथा त्यस क्षेत्रका अगुवा रमेशकुमार बस्नेतले ती क्षेत्रलाई उपमहानगरपालिकामा गाभ्नु उपयुक्त हुने कुरा बुझाए ।

गाविसबाट उपमहानगरबासी हुँदा विकासको गति तीब्र हुने भनेर बोल्न थालेपछि अन्य आवाज मधुरो भयो । तर त्यसबेला विष्णुपादुका धरानमा नगाभिने निर्णय गर्दै पछि हट्यो । वस्नेतका कारण पाँचकन्या एकमतले धरानमा गाभिने भएपछि धरान उपमहानगरपालिका भयो । विष्णुपादुका पनि ९ महिनापछि धरानमा गाभिन सहमत भएर आयो । २०४९ सालमा पाँच कन्यागाविसलाई देशकै उत्कृष्ट गाविस बनाएका वस्नेतले त्यसयता धरानको हितमा अनेकन काम गर्दै आएका छन् । उनै वस्नेत मंसिर ४ गते हुने निर्वाचनमा सुनसरी क्षेत्र नम्बर १ ९क० का प्रत्यक्ष उम्मेदवार छन् ।

आफू कक्षा ७ मा पढ्दादेखि नै पञ्चायती व्यवस्थाविरुद्ध तात्कालीन नेकपा मालेको विद्यार्थी संगठनमा आवद्ध भएर समाज रुपान्तरणको राजनीतिक अभियानमा होमिएका बस्नेत चार दशकदेखि समाज रुपान्तरणकै अभियानमा छन् । महेन्द्र बहुमुखी क्याम्पस धरानमा अध्ययन गर्दा अनेरास्ववियुमा सक्रिय भएको भन्दै मण्डलेहरुबाट मरणासन्न हुने गरी उनीमाथि आक्रमण भएको थियो ।

उनी त्यस बेला लामो समयको उपचारपछि मात्रै सामान्य जीवनमा फर्किएका थिए । स्थायी शिक्षकको सरकारी जागीरमा रहेका बस्नेतले पार्टीको आग्रहमा २०४८ सालमा राजीनामा दिएर सम्पूर्ण जीवन समाजसेवामा समर्पण गरेका थिए । पार्टीले पूर्णकालीन राजनीतिमा लाग्न निर्देशन दिएपछि सरकारी जागीर छाडेर राजनीतिमा होमिएका थिए । २०४९ सालमा साविक पाँचकन्या गाविसको अध्यक्षमा नेकपा एमालेको तर्फबाट उम्मेदवार भएका उनी विजयी भएका थिए भने दोस्रो कार्यकालमा पनि उनी भारी मतका साथ विजयी भएका थिए ।

दुई कार्यकाल गाविस अध्यक्ष चलाउँदा नै अब्बल सावित भएका बस्नेत त्यसपछि पार्टीको विभिन्न जिम्मेवारीमा रहेर काम गरे । पार्टीमा धरान नगर कमिटी सदस्य, क्षेत्रीय समन्वय कमिटीको सह–संयोजक, जिल्ला कमिटीको सदस्य, सचिव, उपाध्यक्ष, अध्यक्ष हुँदै अहिले नेकपा एमालेको १ नं। प्रदेश कमिटी सचिवालय सदस्यको जिम्मेवारीमा रहेका छन् ।

रमेशकुमार बस्नेतको राजनीतिक यात्रा

२०३७ ः तत्कालीन नेकपा (माले) सम्पर्क २०४२ ः अनेरास्ववियुको धरान नगरको संस्थापक सचिव २०४४ ः एरिया शिक्षक पार्टी सक्रिय दलको सदस्य २०४७ ः नेकपा (एमाले) धराननगर कमिटी सदस्य २०४९ ः पाँचकन्या गाविसको अध्यक्षमा निर्वाचित २०५४ ः पाँचकन्या गाविसको अध्यक्षमा पुनः निर्वाचित÷गाविस महासंघ सुनसरीको अध्यक्ष २०५७ ः सुनसरी जिल्ला कमिटी सदस्य २०७२ ः सुनसरी जिल्ला कमिटी उपाध्यक्ष २०७४ ः सुनसरी जिल्ला कमिटी अध्यक्ष २०७८ ः नेकपा (एमाले) १ नं. प्रदेश कमिटी सचिवालय सदस्य २०७९ ः प्रदेश सभा सदस्यमा निर्वाचित ‘पाँचकन्या गाविस त्यसबेला देशकै नमुना गाविसको रुपमा पनि चिनिन्थ्यो ।

पूर्वाञ्चलमा पहिलो पटक वडा कार्यालय सञ्चालन गर्ने काम पाँचकन्या गाविसबाट शुरु भएको थियो । वडास्तरमा रेशम खेती गर्दा पनि नेपालकै उत्कृष्ट गुणस्तरको रेशम उत्पादन भएको थियो । त्यसबेला ३ वटा वडामा मात्रै विद्युत पुगेको थियो त्यो पनि मेन लाइनमा मात्रै । ती कुराहरुको व्यवस्थापन गर्न म सफल नै भए । त्यसबेला ९२०४८ साल० पाँचकन्या गाविस सुनसरी जिल्लाको सबैभन्दा पछाडि पारिएको गाविसको रुपमा थियो । त्यो २०६० सालमा आइपुग्दा सुनसरीको सबैभन्दा अग्रपंत्तिमा पाँचकन्या गाविस आइपुग्यो ।

त्यस्तै गरी गाउस्तरीय शिक्षा समिति र गाउँस्तरीय शिक्षा योजना बनाउने मुलुककै पहिलो गाविस पाँचकन्या नै भएको थियो । त्यसको सिको गर्दै अन्य गाविस तथा नगरहरुले पनि शिक्षा समिति बनाएका थिए । मनमोहन अधिकारीको सरकारले गाविसलाई ३ लाख बजेट दिन थालेपछि विकासको क्रम शुरु भएको थियो ।