हिविसकस वोडिङ स्कुलद्धारा पूर्व तयारीका विषयमा जानकारी

छाल खवर
धरान,१९ कार्तिक ः हिविसकस वोडिङ स्कुल धरान–१५ ले हाजिरी जवाफ प्रतियोगितामा सहभागी विद्यालय र विद्यार्थीहरुका लागि पूर्व तयारीका विषयमा जानकारी गराएको छ ।

स्कुलले आयोजना गर्न लागेको अन्तर स्कुल स्तरीय हाजिरी जवाफ प्रतियोगिताको लागि पूर्व तयारीको लागि जानकारी गराएको हो ।

पुष १४ र १५ गते आयोजना हुन लागेको सो प्रतियोगितामा सहभागी स्कुलहरुले गर्नुपर्ने तयारीका विषयमा विद्यार्थीहरु र स्कुलहरुलाई शुक्रवार स्कुलले प्रतियोगितामा सोधिने प्रश्नहरुको विषयका वारेका जानकारी गराएको थियो ।

विद्यार्थीहरुलाई पूर्व तयारी गर्न सहज होस भन्ने उदेश्यले कार्यक्रमको आयोजना गरीएको विद्यालयका प्रिन्सिपल गंगाराम राईल जानकारी दिएकाछन् ।

प्रतियोगितामा धरान भरीका नीजि तथा सरकारी गरी २७ वटा विद्यालयले सहभागीता जनाएको प्रतियोगिताका संयोजक रमेश माझीले जानकारी दिएकाछन् ।

अन्य इच्छुक विद्यालयहरुले मंसिर मसान्तसम्म आफ्नो विद्यालयको नाम दर्ता गर्न सक्ने गरी समय दिइएको संयोजक माझीको भनाई रहेको छ ।

प्रतियोगितामा नीजि विद्यालयतर्फ विद्याभुषण वोडिङ स्कुल,सिदार्थ शिसु वोडिङ स्कुल, नेपाल पुलिस स्कुल, सिर्जना इङलिस स्कुल,च्याम्पियन वोडिङ स्कुल, आवरहोम वोडिङ स्कुल, होलील्याण्ड इन्टरनेशनल स्कुल, समिट वोडिङ स्कुल,देउराली चिल्ड्रेन एकेडेमी, धरान लिगामेन्ट रेसिडेन्सियल वोडिङ स्कुल, एक्वा सेकेण्डरी वोडिङ स्कुल, नोवेल एकेडेमी, सरस्वति सेकेण्डरी स्कुल, सियोन स्कुल, ज्ञानोदय सेकेण्डरी स्कुल रहेकाछन् ।

त्यसैगरी सरकारी विद्यालयतर्फ पव्लिक मा.वि, फुस्रे, पव्लिक हाइस्कुल धरान १२, शिक्षा निकेतन, ल्याव्रोटरी मा.वि. रहेको संयोजक माझीले जानकारी दिएकाछन् ।

स्कुलका प्रिन्सिपल गंगाराम राईका अनुसार प्रतियोगितामा प्रथम, द्धितिय, तृतिय,चौथो,पाचौं र छैटौ हुने विजेताहरुलाई क्रमस १२ हजार, १० हजार, ८ हजार, ६ हजार, ४ हजार, २ हजार नगद मेडल र प्रमाण–पत्र प्रदान गरीनेछ ।

प्रिन्सिपल राईका अनुसार विद्यार्थीहरुलाई सामान्य ज्ञान अध्यय्नमा प्रोत्साहन गर्नको लागि हाजिरीजवाफ प्रतियोगिताको आयोजना गर्न लागिएको हो ।

यो प्रतियोगितालाई आगामी दिनमा निरन्तरता दिदै जाने स्कुलका प्रिन्सिपल गंगाराम राईले जानकारी दिएकाछन् ।

यो प्रतियोगितालाई अहिलेसम्म कै नमुना र फरक वनाउन लागिएको राईको भनाई रहेको छ ।

यो प्रतियोगिताले लोक सेवाको तयारी गर्ने विद्यार्थीहरुका लागि थप सहज हुने पनि स्कुलको दावी रहेको छ ।