पत्रकार महासंघ सुनसरीद्धारा गजेन्द्र राईको रिहाईका लागि आन्दोलन

छाल खवर
धरान,२० मंसिर ः उदयपुरका पत्रकार गजेन्द्र राईको रिहाईको माग गर्दै नेपाल पत्रकार महासंघ सुनसरीले आन्दोलन गर्ने भएको छ ।
पत्रकार महासंघ सुनसरीको मंगलवार वसेको कार्यसमिति वैठकले आन्दोलन गर्ने निर्णय गरेको हो ।
वैठकले पत्रकार राईको रिहाईका लागि बुधवार जिल्ला प्रशासन कार्यालय सुनसरीमा शान्तिपूर्ण धर्ना दिने र गृह मन्त्रालयको ध्यानाकर्षण गराउने निर्णय भएको महासंघका सुनसरी अध्यक्ष जनकऋषि राईले जानकारी दिएकाछन् ।
राईका अनुसार प्रशासन कार्यालय अगाडी केहीवेर कालो पट्टी वाधेर धर्ना दिने र ध्यानाकर्षण पत्र वुझाउने कार्यक्रम तय भएको छ ।
समाचार लेखेकै कारण कुनैपनि संचारकमीैलाई पक्राउ गर्न नहुने वताउदै कुनै समाचारका चित्त नवुझे त्यसको कानुनी उपचार गर्ने निकाय हुदा हुदै पनि प्रहरीले पक्राउ गर्नु निन्दनीय भएको वताउदै विना शर्त निहा गर्नुपर्ने माग समेत गरीएको छ ।
उदयपुरका पत्रकार राईलाई समाचार लेखेको विषयमा प्रहरीले मंसिर १० गते गाईघाटबाट पक्राउ गरी काठमाडौं लगेको छ । राईले निगरानी पोष्ट डटकम अनलाइन दैनिकमा समाचार लेखेको विषयलाई लिएर प्रहरीले पक्राउ गरेको थियो ।