लाखेनाचको उपाधि सिभुवाली लाखेको पोल्टामा

छाल खवर
धरान,१० पुष ः झिगु नेवाः पुचः गाइघाट र नेवाः देव दवू त्रियुवा नगर समितिको संयुक्त आयोजनामा भएको दोस्रो दोश्रो उदयपुर खाना परिकार मेला तथा १ न.प्रदेश स्तरिय प्रतियोगितात्मक लाखेनाच महोत्सबको उपाधि नेवाः देव दवू पाचखपन संखुवासभाले हात पारेको छ ।

प्रतियोगितामा विजेता वनेको सिभुवा लाखे नाच समूहले नगद १ लाख १रुपैया नगद तथा ट्रफि हात पार्दै उपाधि चुमेको हो ।

प्रतियोगितामा सुनसरीको धरानको पासाः खल समूहले दोस्रो स्थान हात पार्न सफल वनेको थियो । पासा खल समूहले ७५ हजार १ रुपैया नगद हात पारेको थियो ।

त्यसैगरी प्रतियोगिता इन्द्रपुर नेवाः पुच मोरङ्गले तेस्रो स्थान हासिल गरेको थियो । इन्द्रपुरले ५१ हजार १ रुपैया नगद र प्रमाण–पत्र हात पारेको छ ।

त्यस्तै प्रतियोगिता नेवाः देय् दबू झुम्का, सुनसरी र झींगु नेवाः पुचः उपशाखा बोक्से, उदयपुरले सान्तवना पुरस्कार हात पारेका थिए । सान्तवना पुरस्कार नगद ११ हजार १ रुपैया रहेको छ ।

प्रतियोगितामा संखुवासभा,सुनसरी,मोरङ,झापा, इलाम, खोटाङ,ओखलढुङा उदयपुर गरी १२ समूह सहभागी रहेका थिए ।