हिविसकसमा ट्राफिक सचेतना कार्यक्रम

छाल खवर
धरान,१३ पुषः हिविसकस इङलिस वोडिङ स्कुल धरान–१५ मा विद्यार्थीहरुलाई ट्राफिक सचेतना कार्यक्रम आयोजना गरेको छ ।

विद्यार्थीहरुलाई सडक दुर्टघना सम्वन्धि जानकारी गराउने उदेश्यले सो सचेतना कार्यक्रम आयोजना गरेको हो ।

सडक दुर्घटना कसरी हुन्छ त्यसलाई कसरी न्युनिकरण गर्न सकिन्छ सवारी साधन कसरी चलाउने भन्ने लगायतका विषयमा विद्यार्थीहरुलाई जानकारी दिइएको थियो ।

कक्षा,८,९ र कक्षा १० का विद्यार्थीहरु सवारी चलाउने क्षमता भईसकेकोले उनीहरुलाई सवारी चलाउने बारेमा जानकारी दिइएको जिल्ला ट्राफिक प्रहरी कार्यालय सुनसरीका प्रहरी सहायक निरिक्षक नारद प्रसाद दाहालले प्रशिक्षण दिएका थिए ।

तिव्र गतिमा सवारी चलाउदा, के हुन्छ, सवारी दुर्घटना के कारणले हुन्छ त्यसलाई कसरी न्युनिकरण गर्न सकिन्छ र यदी सवारी दुर्घटना भइहालेमा के गर्ने लगायतका विषयमा दाहालले विद्यार्थीहरुलाई प्रशिक्षण दिएका थिए ।

 विद्यार्थीहरुलाई सवारी दुर्घटनाका विषयमा जानकारी सहित सचेतना गराउदा उनीहरु सवारी चलाउदा सचेत हुने भएकोले विद्यार्थीहरुका लागि कार्यक्रम गरीएको विद्यालयका प्रिन्सिपल गंगाराम राईले जानकारी दिएकाछन् ।