सवारी दुर्घटना न्यूनीकरण गर्न जेव्रा क्रसिङ

छाल खवर
धरान,२१ पुष ःसवारी दुर्घटना न्यूनीकरण गर्ने उद्देश्यले धरान १५ का विभिन्न ठाउँमा जेब्रा क्रसिङ बनाइएको छ।

बाँझोगरा एकता युवा क्लवको आयोजनामा विशेषगरी विद्यालय क्षेत्रमा प्राथमिकतामा राख्दै जेब्रा क्रसिङ निर्माण गरेको हो । क्लवले २० वटा जेब्रा क्रसिङ बनाइसकेको जनाएकोछ ।

दुर्घटना न्यूनिकरण गर्न क्लबको सक्रियतामा जेब्रा क्रसिङ निर्माण गरिएको क्लबका अध्यक्ष युगेश तामाङले बताएका छन् ।

विद्यालय क्षेत्रमा विद्यार्थी र पैदलयात्रीलाई बाटो काट्न असहज र असुरक्षित बन्दै गएको कारण आवागमनमा समस्या समाधान गर्न र सहज रुपमा पैदलयात्रीलाई बाटो काटन् सहजहोस् भन्ने उदेश्यले निर्माण गरिएको अध्यक्ष तामाङको भनाई छ ।

जेब्रा क्रसिङ नहुँदा बटुवा तथा विद्यार्थीहरु जताततै बाटो काट्ने गरेकाले दुर्घटनाको जोखिम बढेको थियो ।
जेव्रा क्रसिङले सजक गराउने भएपनि जेब्रा क्रसिङ नहुँदा जोखिम मोलेर यात्रा गर्न यात्रु बाध्य थिए ।