साँगुरीगढी गाउँपालिकाद्धारा गरिव परिचय पत्र वितरण

छाल खवर
धरान,२२ पुष ः साँगुरीगढी गाउँपालिकाले भूमि व्यवस्था सहकारी तथा गरिबी निवारण मन्त्रालयले सूचिकृत गरेको घरधुरीलाई गरिव परिचय पत्र वितरण कार्य प्रारम्भ गरेको छ ।

शुक्रवार आयोजित एक कार्यक्रम मार्फत गाउँपालिका अध्यक्ष जितेन्द्र राई, उपाध्यक्ष मुना राई र प्रमुख प्रशासकीय अधिकृत मनोजकुमार ठाकुर लगायत कर्मचारीहरुको टोलीले संयुक्त रुपमा परिचयपत्र वितरण कार्य प्रारम्भ गरेका हुन ।

वडा नंं ७ को वडा कार्यालयमा आयोजित एक कार्यक्र शुरु गरेता पनि अन्य वडामा कर्मचारीको टोलिले परिचय पत्र वितरण गरिरहेको गाउपालिका अध्यक्ष जितेन्द्र रुम्दाली राईले जानकारी दिएकाछन् ।

गाउपालिका अध्यक्ष रुम्दालीका अनुसार साँगुरीगढी गाउँपालिका भरि गरिव परिवारमा सूचिकृतको संख्या ३ सय ६५ रहेको छ ।

राईका अनुसार परिचय पत्रलाई तीन प्रकारमा विभाजन गरिएको छ जसमा अति गरिव परिचय पत्रको रंग रातो, मध्यम गरिव परिचय पत्रको रंग पहेलो र सामान्य गरिव परिचय पत्रको रंग निलो रहेको छ ।

सुचिकृत परिवारको संख्यामा सागुरीगढीमा अति गरिव परिवारमा सुचिकृत परिवार संख्या ६७, मध्यम गरिव परिवारमा सुचिकृत १ सय ६२ र सामान्य गरिव परिवारमा सूचिकृत १ सय ३६ जना रहेका छन् । परिचय पत्रको समयवधि ५ वर्षको रहेको छ ।

सरकारले तीन प्रकारको परिचय वितरण गरेता पनि उनीहरुले प्राप्त गर्ने सेवा सुविधा के के रहने र कति समयमा कार्यान्वयन गर्ने भन्ने स्पष्ट हुन सकेको छैन ।