आगलागि पीडितलाई युवा संघको सहयोग

छाल खवर
धरान,२५ पुष ः सुनसरीको धरान–५ स्थित देउरालिमा भएको आगलागी पीडितलाई राष्ट्रिय युवा संघले आर्थिक सहयोग उपलब्ध गराएको छ ।

बिद्युत सर्ट भई आगलागी पीडित वनेका परिवारलाई युवा संघले आर्थिक सहयोग उपलव्ध गराएको हो ।

आगलागी पीडित पंच बहादुर राईलाई युवा संघले नगद ६४ हजार ४ सय रुपैया हस्तान्तरण गरेको हो ।

आगलागी पीडितलाई घर निर्माणमा सहयोग पुर्‍याउने उद्देश्यले सहयोग गरीएको राष्ट्रिय युवा संघ धरान उपमहानगर कमिटी अध्यक्ष भवानी भक्त दाहालले वताएकाछन् ।

राईको परिवारमा २ छोरा , आमा र दिदी बस्दै आएका छन् । घर जलेर आंशिक रुपमा बासस्थान समेत नभए पछि उनको परिवार अहिले घरवारविहीन भएको छ ।

पीडितको घर निर्माणका लागि युवा संघकै पहलमा श्रमदान पनि गरीने अध्यक्ष दाहालले बताएकाछन् ।
उनले घर बनाउदा लाग्ने सामाग्री वडाले सहयोग गर्ने र श्रमदानको रुपमा युवा संघले गर्ने पनि उनले थप जानकारी दिएकाछन् ।