शारदा बालिका स्कुलको वार्षिक उत्सव सम्पन्न

छाल खवर
धरान,२५ पुष ः पूर्वको एक मात्र छात्रा अध्ययन गर्ने विद्यालय धरान –१६ स्थित शारदा नमुना माध्यमिक विद्यालयको ७४ औ वार्षिक उत्सव आइतवार सम्पन्न भएको छ ।

आइतवार सम्पन्न वार्षिक उत्सव कार्यक्रम छात्रवृत्ति वितरण सहित विभिन्न कार्यक्रम गर्दै सम्पन्न भएको हो ।

विद्यालयमा रहेको विभिन्न अक्षय कोष दाताहरूले जम्मा गरेको ३६ लाख कोषको रकमको व्याजबाट छात्रवृत्ति वितरण गरेको विद्यालयका शिक्षक पदम लुइँटेलले बताएकाछन् ।

स्थापना कालमा ७ जना विद्यार्थीबाट पठनपाठन सुरु गरिएको सो विद्यालयमा हाल ७ सय १८ विद्यार्थीसँग रहेकाछन् ।
कार्यक्रममा प्रमुख अतिथि सुनसरी क्षेत्र नं. १ प्रदेश सभा ख का सांसद विजय कुमार राईले वालिका स्कुलका विद्यार्थीहरु सवै क्षेत्रमा अव्वल रहेको भन्दै प्रसंशा समेत गरेका थिए ।

राईले बालिका स्कुल धरानको मात्र नमुना नभएर नेपालकै गौरव भएको जिमिर समेत गरेका थिए । उनले विद्यालयको सहयोगका लागि आफू सदैव प्रयासरत रहेको समेत वताए ।

कार्यक्रममा वोल्दै प्रदेश सभा सदस्य यशोदा कायस्थले विद्यालयको सहयोगको लागि आफू सदैव सकारात्मक रहेको वताइन ।

कार्यक्रममा छात्रावासको बनाउन जग्गा प्रदान गर्ने स्वर्गीय फडिन्द्र आचार्यको छोरी अञ्जलि बुहारी सम्झना आचार्यलाई सम्मान गरीएको थियो ।

पूर्व प्रधानाध्यापक स्वर्गीय प्रतिमा पोखरेलका छोरा उज्वल पोखरेललाई पनि सम्मान गरिएको विद्यालयका प्र धर्म नारायण सिंहले बताए।