अवैध ७३७ क्रसर र बालुवा प्रशोधन उद्योग बन्द

छाल खवर

काठमाडौं,२६ पुष ः अवैध रुपमा सञ्चालित क्रसर उद्योग र वालुवा प्रशोधन उद्योग वन्द भएकाछन् ।

उपप्रधान एवं गृहमन्त्री रवि लामिछानेको निर्देशनपछि अवैध रूपमा सञ्चालित क्रसर र बालुवा प्रशोधन उद्योग बन्द भएका हुन।

व्यवसायिक प्रयोजन राखेर सञ्चालित ७ सय ३७ वटा क्रसर र बालुवा प्रशोधन उद्योग बन्द भएको प्रहरी प्रधान कार्यालयको तथ्याङ्कमा उल्लेख गरीएको छ ।

गृह मन्त्रालयका प्रवत्ता फणिन्द्रमणी पोखरेलका अनुसार दर्ता नभई सञ्चालनमा आएका क्रसर र बालुवा प्रशोधन केन्द्र स्थानीय प्रशासनले बन्द गराएको हो ।

प्रक्रिया पुरा गरेर दर्ता भएको तर, नवीकरण नभएको क्रसर र बालुवा उद्योगको संख्या १४३ छन् ।

दर्ता र नवीकरणसहित व्यवसायिक प्रयोजनमा देशभर ७ सय ३४ वटा क्रसर र बालुवा प्रशोधन उद्योग सञ्चालनमा रहेको पाइएको छ ।

गृह मन्त्रालयका अनुसार अहिले देशभर वैधानिक रूपमा ८४२ क्रसर र बालुवा उद्योग सञ्चालनमा छन् ।
लामिछानेले भनसुनको भरमा कुनैपनि कुरा नहुने र सवैकुरा कानुन अनुसार हुने वताउदै आएकाछन् ।